Aur Allah Ta'ala ne (Surah Al-Talaq mein) farmaya "Wa ash-hidu zawai adlin minkum" "Apne mein se do adil aadmiyon ko gawah bana lo." Aur (Allah Ta'ala ne Surah Al-Baqarah mein farmaya) "Mimman tarzouna minash-shuhada-i" "Gawahon mein se jinhein tum pasand karo."
.

Hum se Hakam Bin Nafi ne bayan kiya, kaha hum ko Shoaib ne khabar di Zuhri se, kaha ke mujh se Humaid Bin Abdur Rahman Bin Aof ne bayan kiya, un se Abdullah Bin Utba ne aur unhon ne Umar Bin Khattab (Radi Allahu Anhu) se suna. Aap bayan karte thay ke Rasul Allah (Sallallahu Alaihi Wasallam) ke zamane mein logon ka wahi ke zariya moakhiza ho jata tha. Lekin ab wahi ka silsila khatam ho gaya aur hum sirf unhein umoor mein moakhiza karein ge jo tumhare amal se hamare samne zahir hon ge. Is liye jo koi zahir mein hamare samne khair kare ga, hum ise aman dein ge aur apne qareeb rakhein ge. Is ke batin se hamein koi sarokaar na ho ga. Is ka hisab to Allah Ta'ala kare ga aur jo koi hamare samne zahir mein burayi kare ga to hum bhi ise aman nahi dein ge aur na hum is ki tasdeeq karein ge khwah wo yahi kehta rahe ke is ka batin accha hai
.