Hum se Muhammad Bin Bashar ne bayan kiya, kaha hum se Abdul Wahhab ne bayan kiya, kaha hum se Ayub ne bayan kiya, un se Amr ne, un se Taus ne bayan kiya ke mujh se un mein sab se zyada is (mukhabara) ke janne wale ne bayan kiya, un ki murad Ibn Abbas (Radi Allahu Anhuma) se thi ke Nabi Kareem (Sallallahu Alaihi Wasallam) ek martaba aaisi khet ki taraf tashreef le gaye jis ki kheti leh-laha rahi thi, Aap (Sallallahu Alaihi Wasallam) ne daryaft farmaya "Ye kis ka hai?" Sahaba (Radi Allahu Anhum) ne batlaya ke falan ne ise kiraya par liya hai. Is par Aap (Sallallahu Alaihi Wasallam) ne farmaya "Agar wo hadiyatan de deta to is se behtar tha ke is par ek muqarrara ujrat wasool karta."
.