Umar Bin Abdul Aziz (Rahimahullah) ne kaha ke hadiya to Rasul Allah (Sallallahu Alaihi Wasallam) ke ahad mein hadiya tha, lekin aaj kal to rishwat hai
.

Hum se Abu Al-Yaman ne bayan kiya, kaha hum ko Shoaib ne khabar di, unhein Zuhri ne, kaha ke mujhe Ubaidullah Bin Abdullah Bin Utba ne khabar di, unhein Abdullah Bin Abbas (Radi Allahu Anhuma) ne khabar di ke unhon ne Saab Bin Jassama Laisi (Radi Allahu Anhu) se suna, wo ashaab-e-Rasul Allah (Sallallahu Alaihi Wasallam) mein se thay. Un ka bayan tha ke unhon ne Aap (Sallallahu Alaihi Wasallam) ki khidmat mein ek gor-khar hadiya kiya tha. Aap (Sallallahu Alaihi Wasallam) is waqt maqam-e-Abwa ya maqam-e-Waddan mein thay aur muhram thay. Aap ne wo gor-khar wapas kar diya. Saab (Radi Allahu Anhu) ne kaha ke is ke baad jab Aap (Sallallahu Alaihi Wasallam) ne mere chehre par (narazi ka asar) hadiya ki wapsi ki wajah se dekha, to farmaya "Hadiya wapas karna munasib to na tha lekin baat ye hai ke hum ihram bandhe hue hain."
.