Hum se Zuhair Bin Harb ne bayan kiya, kaha ke hum se Jarir Bin Abdul Hamid ne bayan kiya, un se Amara Bin Qa'qa, un se Abu Zura ne aur un se Abu Hurairah (Radi Allahu Anhu) ne kaha ke mein Banu Tamim se hamesha mohabbat karta raha hoon (doosri sanad Imam Bukhari Rahimahullah ne kaha) mujh se Ibn Salam ne bayan kiya, kaha hum ko Jarir Bin Abdul Hamid ne khabar di, unhein Mughira ne, unhein Haris ne, unhein Abu Zura ne aur unhein Abu Hurairah (Radi Allahu Anhu) ne, (teesri sanad) aur Mughira ne Amara se Riwayat ki, unhon ne Abu Zura se ke Abu Hurairah (Radi Allahu Anhu) ne farmaya, teen baton ki wajah se jinhein mein ne Rasul Allah (Sallallahu Alaihi Wasallam) se suna hai. Mein Banu Tamim se hamesha mohabbat karta hoon. Rasul Allah (Sallallahu Alaihi Wasallam) ne un ke bare mein farmaya ke ye log Dajjal ke muqable mein meri ummat mein sab se zyada sakht mukhalif sabit hon ge. Unhon ne bayan kiya ke (ek martaba) Banu Tamim ke yahan se zakat (wasool ho kar aayi) to Rasul Allah (Sallallahu Alaihi Wasallam) ne farmaya ye hamari qoum ki zakat hai. Banu Tamim ki ek aurat qaid ho kar Sayyida Aisha (Radi Allahu Anha) ke paas thi to Aap (Sallallahu Alaihi Wasallam) ne un se farmaya ke ise azad kar de ke ye Ismail (Alaihis Salam) ki aulad mein se hai
.