Hum se Abdullah bin Muhammed ne Hadees bayan ki, unhon ne kaha ke hum se Abdus Samad ne, unhon ne kaha hum se Sho’bah ne, unhon ne kaha hum se Abu Bakr bin Hafs ne, unhon ne kaha ke main ne Abu Salamah se yeh Hadees suni ke main (Abu Salamah) aur Aisha Radhiallahu Anha ke bhai Aisha Radhiallahu Anha ki khidmat mein gaye. Un ke bhai ne Nabi-e-Kareem Sallallahu Alaihi Wasallam ke ghusl ke baare mein sawaal kiya. To Aap ne Saa’ jaisa ek bartan mangwaaya. Phir ghusl kiya aur apne upar paani bahaaya. Us waqt hamaare darmiyaan aur un ke darmiyaan pardah haayil tha. Abu Abdullah (Imam Bukhari Rahimahullah) kehte hain ke Yazeed bin Haroon, Bahz aur Juddi ne Sho’bah se qadr Saa’ ke alfaaz riwayat kiye hain. (Note: Saa’ ke andar 2.488 Kilogram hota hai.)