Muhammed bin Musanna ne hum se bayan kiya, kaha ke hum se Abu ’Aasim (Zahhak bin Makhlad) ne bayan kiya, woh Hanzalah bin Abi Sufyan se, woh Qasim bin Muhammed se, woh Aisha Radhiallahu Anha se. Aap ne farmaaya ke Nabi-e-Kareem Sallallahu Alaihi Wasallam jab ghusl-e-janabat karna chaahte to Hilaab ki tarah ek cheez mangaate. Phir (paani ka chullu) apne haath mein lete aur sar ke daahne hisse se ghusl ki ibtida karte. Phir baayein hisse ka ghusl karte. Phir apne dono haathon ko sar ke beech mein lagaate the.