Hum se Qutaibah ne bayan kiya, kaha hum se Yazeed ne, kaha hum se ’Amr ne Sulaiman se riwayat kiya, unhon ne kaha ke main ne Aisha Radhiallahu Anha se suna (doosri sanad yeh hai) hum se Musaddad ne bayan kiya, kaha hum se Abdul Waahid ne, kaha hum se ’Amr bin Maimoon ne Sulaiman bin Yasaar ke waaste se naql kiya, woh kehte hain ke main ne Aisha Radhiallahu Anha se us mani ke baare mein poocha jo kapde ko lag jaaye. To unhon ne farmaaya ke main mani ko Rasoolullah Sallallahu Alaihi Wasallam ke kapde se dho daalti thi phir Aap Namaz ke liye bahar tashreef le jaate aur dhone ka nishaan (yani) paani ke dhabbe Aap Sallallahu Alaihi Wasallam ke kapde mein baaqi hote.