Hum se Ali Bin Abdullah Madini ne bayan kiya, un se Sufyan Bin Uyainah ne bayan kiya, un se Amr Bin Dinar ne bayan kiya, unhon ne Muhammad Bin Ali Baqir se suna, aur un se Jabir Bin Abdullah (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne farmaya agar Bahrain se (jizyah ka) maal aya to mein tumhe is tarah donon lap bhar-bhar kar donga lekin Bahrain se maal Nabi Kareem (Sallallahu Alaihi Wasallam) ki wafat tak nahi aya phir jab us ke baad wahan se maal aya to Abu Bakr (Radi Allahu Anhu) ne elan kara diya ke jis se bhi Nabi Kareem (Sallallahu Alaihi Wasallam) ka koi waada ho ya Aap par kisi ka qarz ho wo humare yahan aa jaye. Chunanche mein hazir hua. Aur mein ne arz kiya ke Nabi Kareem (Sallallahu Alaihi Wasallam) ne mujh se ye wo baatein farmayi theen. Jise sun kar Abu Bakr (Radi Allahu Anhu) ne mujhe ek lap bhar kar diya. Mein ne ise shumar kiya to wo panch so ki raqam thi. Phir farmaya ke is ke do guna aur lay lo
.