Hum se Amr Bin Abbas ne bayan kiya, kaha hum se Abdur Rahman ne bayan kiya, un se Sufyan ne bayan kiya, un se Muhammad Bin Munkadir ne aur un se Jabir (Radi Allahu Anhu) ne ke ek aarabi ne Nabi Kareem (Sallallahu Alaihi Wasallam) ki khidmat mein hazir ho kar Islam par bai'at ki, doosre din aya to usay bukhar charha hua tha kehne laga ke meri bai'at tod dijiye! teen baar is ne yehi kaha Aap (Sallallahu Alaihi Wasallam) ne inkar kiya phir farmaya ke Madinah ki misal bhatti ki si hai ke mail kachail ko door kar ke khalis jauhar ko nikhaar deti hai
.