Hum se Muhammad Bin Salam Baikandi ne bayan kiya, unhon ne kaha ke humein Marwan Bin Muawiyah Fazari ne khabar di, unhein Asim ne aur unhein Shabi ne ke Abdullah Bin Abbas (Radi Allahu Anhuma) ne un se bayan kiya, kaha ke mein ne Rasul Allah (Sallallahu Alaihi Wasallam) ko Zamzam ka pani pilaya tha. Aap (Sallallahu Alaihi Wasallam) ne pani kharay ho kar piya tha. Asim ne bayan kiya ke Ikrima ne qasam kha kar kaha ke Nabi Kareem (Sallallahu Alaihi Wasallam) us din ont par sawar thay
.