Aur Abdan ne kaha ke mujh ko Abdullah Bin Mubarak ne khabar di, unhon ne kaha ke humein Yunus ne khabar di, unhein Zuhri ne, unhon ne kaha ke hum se Anas Bin Malik (Radi Allahu Anhu) ne bayan kiya ke Abu Zar (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya jab mein Makkah mein tha to meri (ghar ki) chhat khuli aur Jibrail (Alaihis Salam) nazil hue. Unhon ne mera seena chaak kiya aur ise Zamzam ke pani se dhoya. Is ke baad ek sone ka tasht laye jo hikmat aur iman se bhara hua tha. Ise unhon ne mere seene mein daal diya aur phir seena band kar diya. Ab wo mujhe hath se pakar kar Asman-e-Dunya ki taraf le chale. Asman-e-Dunya ke darogha se Jibrail (Alaihis Salam) ne kaha darwaza kholo. Unhon ne daryaft kiya kaun sahab hain? Kaha Jibrail!
.