Hum se Ahmad bin Hafs ne byaan kiya , kaha ke hum se mere walid ne byaan kiya , kaha ke hum se Ibrahim bin Tahman ne byaan kiya , un se Hajjaj bin Hajjaj Aslami ne , un se Qatada ne , un se Abdullah bin Abi Utbah ne aur un se Abu Saeed Khudri razi Allahu anhu ne aur un se Nabi Karim salla Allahu alaihi wasallam ne farmaya Baitullah ka Hajj aur Umrah Yajooj aur Majooj ke nikalne ke baad bhi hota rahe ga . Abdullah bin Abi Utbah ke saath is hadees ko Aban aur Imran ne Qatada se riwayat kiya aur Abdul Rahman ne Shubah ke wasta se yun byaan kiya ke Qayamat is waqt tak qaim nahi ho gi jab tak Baitullah ka Hajj band na ho jaye . Imam Bukhari rahmahu Allah ne kaha ke pehli riwayat zyada rawiyon ne ki hai aur Qatada ne Abdullah bin Utbah se suna aur Abdullah ne Abu Saeed Khudri razi Allahu anhu se suna .