Hum se Mu’aaz bin Fazalah ne bayan kiya, unhon ne kaha ke hum se Hishaam Dastuwaayi ne Yahya bin Abi Katheer ke waaste se bayan kiya, woh Abdullah bin Abi Qatadah se, woh apne baap Abu Qatadah Radhiallahu Anhu se riwayat karte hain. Woh kehte hain ke Rasoolullah Sallallahu Alaihi Wasallam ne farmaaya, jab tum mein se koi paani piye to bartan mein saans na le aur jab bait-ul-khala mein jaaye to apni sharmgaah ko daahne haath se na chhooye aur na daahne haath se istinja kare.