Hum se Ali bin Jad ne byaan kiya ‘ kaha ke humein Shubah ne khabar di ‘ kaha ke mujhe Ma'bad bin Khalid ne khabar di ‘ kaha ke maine Harithah bin Wahab Khuzai razi Allahu anhu se suna . Unhon ne kaha ke maine Rasool Allah salla Allahu alaihi wasallam se suna ‘ Aap salla Allahu alaihi wasallam ne farmaya ke sadqa kiya karo pas anqareeb ek aisa zamana aane wala hai jab aadmi apna sadqa le kar nikle ga (koi usay qabool kar le magar jab woh kisi ko de ga to woh) aadmi kahe ga ke agar isay tum kal laye hote to main le leta lekin aaj mujhe is ki haajat nahi rahi .