Hum se Musa bin Ismail ne byaan kiya ‘ unhon ne kaha ke hum se Abu Awanah ne byaan kiya ‘ un se Hilal bin Humaid ne ‘ un se Urwah ne aur un se Umm-ul-Moomineen Aisha razi Allahu anha ne ke Nabi Karim salla Allahu alaihi wasallam ne apne is marad ke mauqe par farmaya tha jis se Aap salla Allahu alaihi wasallam jaanbar na ho sake thay ke Allah Ta'ala ki Yahud o Nasara par lanat ho . Unhon ne apne Anbiya ki qabron ko masajid bana liya . Agar yeh darr na hota to Aap salla Allahu alaihi wasallam ki qabr bhi khuli rehne di jati . Lekin darr is ka hai ke kahin isay bhi log sajda gah na bana lein . Aur Hilal se riwayat hai ke Urwah bin Zubayr ne meri kuniyat (Abu Awanah yani Awanah ke walid) rakh di thi warna mere koi aulaad na thi .