Hum se Asbagh bin Faraj ne byaan kiya ‘ un se Abdullah bin Wahb ne kaha ke mujhe khabar di Amr bin Harith ne ‘ unhein Saeed bin Harith Ansari ne aur un se Abdullah bin Umar razi Allahu anhuma ne byaan kiya ke Saad bin Ubadah razi Allahu anhu kisi marz mein mubtala huay . Nabi Karim salla Allahu alaihi wasallam iyadat ke liye Abdur Rahman bin Awf ‘ Saad bin Abi Waqqas aur Abdullah bin Masood razi Allahu anhum ke saath un ke yahan tashreef le gaye . Jab Aap salla Allahu alaihi wasallam andar gaye to teamar daron ke hujoom mein unhein paya . Aap salla Allahu alaihi wasallam ne daryaft farmaya ke kya wafat ho gayi ? Logon ne kaha nahin ya Rasool Allah! Nabi Karim salla Allahu alaihi wasallam (un ke marz ki shiddat ko dekh kar) ro pare . Logon ne jo Rasool Allah salla Allahu alaihi wasallam ko rote huay dekha to woh sab bhi rone lage . Phir Aap salla Allahu alaihi wasallam ne farmaya ke suno! Allah Ta'ala aankhon se aansu nikalne par bhi azab nahin kare ga aur na dil ke gham par . Han is ka azab is ki wajah se hota hai ‘ Aap salla Allahu alaihi wasallam ne zaban ki taraf ishaara kiya (aur agar is zaban se achhi baat nikle to) yeh is ki rahmat ka bhi baais banti hai aur mayyat ko is ke ghar walon ke nuha o maatam ki wajah se bhi azab hota hai . Umar razi Allahu anhu mayyat par maatam karne par dande se maarte ‘ patthar phainkte aur rone walon ke munh mein mitti jhoonk dete .