Hum se Saeed bin Afir ne byaan kiya aur un se Layth ne sabqa riwayat ki tarah byaan kiya , Nafi bin Yazid ne Aqeel se ( «ma yuf-alu bi» ke bajaye) «ma yuf-alu bihi» ke alfaz naqal kiye hain aur is riwayat ki mutaba'at Shuayb , Amr bin Dinar aur Mamar ne ki hai .

Hum se Muhammad bin Bashar ne byaan kiya , unhon ne kaha ke hum se Ghundar ne byaan kiya , unhon ne kaha hum se Shubah ne byaan kiya , unhon ne kaha ke main ne Muhammad bin Munkadir se suna , unhon ne kaha ke main ne Jabir bin Abdullah razi Allahu anhuma se suna , unhon ne kaha ke jab mere waalid shaheed kar diye gaye to main un ke chehre par para ho kapra kholta aur rota tha . Doosre log to mujhe is se rokte thay lekin Nabi Karim salla Allahu alaihi wasallam kuch nahin keh rahe thay . Aakhir meri chachi Fatima razi Allahu anha bhi rone lagein to Nabi Karim salla Allahu alaihi wasallam ne farmaya ke tum log ro-o ya chup raho . Jab tak tum log mayyat ko uthate nahin malaika to barabar is par apne paron ka saaya kiye huay hain . Is riwayat ki mutaba'at Shubah ke saath Ibn Jurayj ne ki , unhein Ibn Munkadir ne khabar di aur unhon ne Jabir razi Allahu anhu se suna .