Hum se Ali bin Abdullah ne bayan kiya, un se Sufyan ne, un se ’Amr ne, woh kehte hain ke mujhe Wahb bin Munabbih ne apne bhai ke waaste se khabar di, woh kehte hain ke main ne Abu Hurairah Radhiallahu Anhu ko kehte huwe suna ke Rasoolullah Sallallahu Alaihi Wasallam ke Sahaba mein Abdullah bin ’Amr Radhiallahu Anhuma ke alawah mujh se ziyada koi Hadees bayan karne waala nahi tha. Magar woh likh liya karte the aur main likhta nahi tha. Doosri sanad se Ma’mar ne Wahb bin Munabbih ki Mutaba’at ki, woh Hammaam se riwayat karte hain, woh Abu Hurairah Radhiallahu Anhu se.