Hum se Abdullah bin Muhammad Musnadi ne byaan kiya , kaha ke hum se Sufyan bin Uyaynah ne Zuhri se byaan kiya , un se Urwah ne aur un se Ayesha razi Allahu anha ne kaha ke pehle namaaz do rakat farz hui thi baad mein safar ki namaaz to apni isi halat par reh gayi albatta hazar ki namaaz poori (chaar rakat) kar di gayi . Zuhri ne byaan kiya ke main ne Urwah se poocha ke phir khud Ayesha razi Allahu anha ne kyun namaaz poori parhi thi unhon ne is ka jawab yeh diya ke Usman razi Allahu anhu ne is ki jo taweel ki thi wahi unhon ne bhi ki .