Hum se Abu Muammar ne byaan kiya , unhon ne kaha ke hum se Abdul Waris ne byaan kiya , unhon ne kaha ke mujh se Yahya bin Abi Ishaq ne byaan kiya unhon ne Anas razi Allahu anhu ko yeh kehte huay suna ke hum Makkah ke iradah se Madina se nikle to barabar Nabi Karim salla Allahu alaihi wasallam do , do rakat parhte rahe . Yahan tak ke hum Madina wapas aaye . Main ne poocha ke Aap salla Allahu alaihi wasallam ka Makkah mein kuch din qayam bhi raha tha ? To is ka jawab Anas razi Allahu anhu ne yeh diya ke das din tak hum wahan thehray thay .