Hum se Fadl bin Sahl ne byaan kiya , kaha ke hum se Hasan bin Musa Ashyab ne byaan kiya , kaha ke hum se Abu Abdur Rahman bin Abdullah bin Dinar ne byaan kiya Zaid bin Aslam se , unhon ne Ata bin Yasar se , unhon ne Abu Hurayrah razi Allahu anhu se ke Rasool Allah salla Allahu alaihi wasallam ne farmaya ke imam logon ko namaaz parhate hain . Pas agar imam ne theek namaaz parhayi to us ka sawab tumhein mile ga aur agar ghalti ki to bhi (tumhari namaaz ka) sawab tum ko mile ga aur ghalti ka wabaal un par rahe ga .