(Aur yeh farmana) «wa zay-yinul-quraana bi-aswaatikum» ke ”Quran ko apni aawazon se zeenat do .“

Hum se Ibrahim bin Hamza ne bayan kiya , unhon ne kaha hum se Ibn Abi Hazim ne bayan kiya , in se Yazid ne bayan kiya in se Muhammad bin Ibrahim ne , in se Abu Salamah ne aur in se Abu Hurairah razi Allahu anhune ke unhon ne Nabi kareem salla Allahu alaihi wasallam se suna , Aap salla Allahu alaihi wasallam ne farmaya ke Allah Ta'ala kisi cheez ko itni tawaj-jo se nahi sunta jitni tawaj-jo se achhi aawaz se parhne par Nabi ke Quran Majeed ko sunta hai .

Hum se Yahya bin Bukayr ne bayan kiya , unhon ne kaha hum se Layth bin Saad ne bayan kiya , in se Ibn Shihab ne bayan kiya , unhein Urwah bin Zubayr , Saeed bin al-Musayyab , Alqama bin Waqqas aur Ubaidullah bin Abdullah ne khabar di Aisha razi Allahu anha ki baat ke silsile mein jab tuhmat lagane walon ne in par tuhmat lagayi ku aur in rawiyon mein se har ek ne waqia ka ek ek hissa bayan kiya ke Aisha razi Allahu anha ne bataya ke phir main rote rote apne bistar par lait gayi aur mujhe yaqeen thu ke jab main is tuhmat se bari hoon to Allah Ta'ala meri barat kare ga , lekin wallah! is ka mujhe guman bhi na thu ke meere baare mein Quran ki aayitein nazil hon gi jin ki Qayamat tak tilawat ki jaye gi aur meere khayal mein meri haisiyat is se bahut kam ku ke Allahmeere baare mein paak kalam nazil farmaye jis ki tilawat ho aur Allah Ta'ala ne (Surah al-Noor ki) yeh aayat nazil ki «in-nal-lazheena jaaa-oo bil-ifki» ”bilashubha woh log jinon ne tuhmat lagayi“ poori das aayiton tak .

Hum se Abu Nuaym ne bayan kiya , kaha hamase Mis-ar ne , in se Adi bin Sabit ne , mera yaqeen hai ke unhon ne Bara bin Azib se naqal kiya , unhon ne kaha ke main ne Nabi kareem salla Allahu alaihi wasallam se suna ke Aap Isha ki namaz mein «wat-teeni waz-zhaitooni» parh rahe thay , main ne Nabi Karim salla Allahu alaihi wasallam se zyada behtareen aawaz se Quran parhte huay kisi ko nahi suna .

Hum se Hajjaj bin Minhal ne bayan kiya , unhon ne kaha hamase Hushaim ne bayan kiya , in se Abu Bishr ne , in se Saeed bin Jubayr ne bayan kiya aur in se Abdullah bin Abbas raziAllahu anhuma ne bayan kiya ke jab Nabi kareem salla Allahu alaihi wasallam Makkah Mukarramah mein chhup kar tableegh karte thay to Quran buland aawaz se parhte , mushrikeen jab sunein ge to Quran ko bura bhala kahein ge aur is ke laane wale ko bura bhala kahein ge . Is par Allah Ta'ala ne apne Nabi salla Allahu alaihi wasallam se farmaya ke ”apni namaz mein na aawaz buland karo aur na bahut past .“

Hum se Ismail bin Abi Oways ne bayan kiya , unhon ne kaha hum mujh se Imam Malik ne bayan ka , in se Abd-ul-Rahman bin Abdullah bin Abd-ul-Rahman bin Abi Sas-ah ne bayan kiya , in se in ke walid ne aur unhein Abu Saeed Khudri razi Allahu anhune khabar di ke unhon ne in se kaha mera khayal hai ketum bakriyon ko aur jangal ko pasand karte ho . Pas jab tum apni bakriyon mein ya jangal mein ho aur namaz ke liye azan do to buland aawaz ke saath do kyunke moaz-zhin ki aawaz jahan tak bhi pahunche gi aur usay jin o ins aur doosri jo cheezin bhi sunein gi woh Qayamat ke din is ki gawahi dein gi . Abu Saeed Khudri razi Allahu anhune bayan kiya ke main ne is hadees ko Rasool Allah salla Allahu alaihi wasallam se suna hai .

Hum se Qubaysah ne bayan kiya , kaha hamase Sufyan ne bayan kiya , in se Mansoor ne , in se in ki walda ne aur in se Aisha razi Allahu anha ne bayan kiya ke Nabi kareem salla Allahu alaihi wasallam is waqt bhi Quran parhte thay jab Aap ka sar mubarak meri goad mein hota aur main halat e haizh mein hoti .