Hum se Musaddad ne bayan kiya , kaha hum se Yahya ne bayan kiya , in se Sufyan ne , kaha mujh se Salama bin Kuhail ne bayan kiya . (Doosri sanad) Imam Bukhari rahmahullah ne kaha ke hamase Abu Nuaym ne bayan kiya , kaha hum se Sufyan ne bayan kiya , in se Salama ne bayan kiya ke main ne Jundub razi Allahu anhu se suna , unhon ne bayan kiya ke Nabi Karim salla Allahu alaihi wasallam ne farmaya aur main ne Aap ke siwa kisi ko yeh kehte nahi suna ke Nabi Karim salla Allahu alaihi wasallam ne farmaya , chunanche main in ke qareeb pahuncha to main ne suna ke woh keh rahe thay ke Nabi Karim salla Allahu alaihi wasallam ne farmaya ke (kisi naik kaam ke nateeja mein) jo shohrat ka talib ho Allah Ta'ala is ki bad-niyati Qayamat ke din sab ko suna de ga . Isi tarah jo koi logon ko dikhane ke liye naik kaam kare ga Allah bhi Qayamat ke din usay sab logon ko dikhla de ga .