Aur Ibn Masood razi Allahu anhu ne kaha ke logon ke saath mail-milap rakkho, lekin is ki wajah se apne deen ko zakhmi na karna aur is baab mein ahal o ayal ke saath hansi-mazaq, dil-lagi karne ka bhi bayan hai.

Hum se Adam bin Abi Iyas ne bayan kiya, kaha hum se Shubah ne bayan kiya, kaha hum se Abu al-Tay-yah ne, kaha main ne Anas bin Malik razi Allahu anhu se suna, unhon ne bayan kiya ke Nabi Karim salla Allahu alaihi wasallam hum bachon se bhi dil-lagi karte, yahan tak ke mere chhote bhai Abu Umayr naami se (maza-han) farmate «ya abaa umayrin maa fa-alan-nughayru» ”Ae Abu Umayr! Teri nughayr naami chirya to ba-khair hai?“

Hum se Muhammad bin Salam ne bayan kiya, kaha hamain ko Abu Muawiyah ne khabar di, kaha hum se Hisham ne, in se un ke walid ne aur in se Aisha razi Allahu anha ne bayan kiya ke main Nabi Karim salla Allahu alaihi wasallam ke yahan larkiyon ke saath khelti ku, meri bahut si saheliyaan thien jo mere saath khela karti thien, jab Nabi Karim salla Allahu alaihi wasallam andar tashreef laate to woh chhup jaatmien phir Nabi Karim salla Allahu alaihi wasallam unhein mere paas bheijte aur woh mere saath kheltien.