Ibn Abbas Razi Allah Anhuma ne farmaya ke agar geeli najasat par tumhare paon padein to unhein dho dalo aur agar najasat khushk ho to dhone ki zaroorat nahi.

Hum se Moosa bin Ismail ne bayan kiya , unhon ne kaha hum se Ibrahim bin Saad ne bayan kiya , unhon ne kaha humein Ibn Shihab ne Humaid bin Abdur Rahman ke wastay se bayan kiya ke Abu Hurairah aur Abu Saeed Khudri raziyallahu anhuma ne unhen khabar di ke Rasool Allah salla Allahu alaihi wa sallam ne masjid ki deewar par balgham dekha , phir Rasool Allah salla Allahu alaihi wa sallam ne ek kankri li aur usay saaf kar diya . Phir farmaya ke jab tum mein se koi shakhs thookay to usay apne munh ke samne ya dayen taraf nahi thookna chahiye , balkay bayen taraf ya apne paon ke neechay thook lay .

Hum se Moosa bin Ismail ne bayan kiya , unhon ne kaha hum se Ibrahim bin Saad ne bayan kiya , unhon ne kaha humein Ibn Shihab ne Humaid bin Abdur Rahman ke wastay se bayan kiya ke Abu Hurairah aur Abu Saeed Khudri raziyallahu anhuma ne unhen khabar di ke Rasool Allah salla Allahu alaihi wa sallam ne masjid ki deewar par balgham dekha , phir Rasool Allah salla Allahu alaihi wa sallam ne ek kankri li aur usay saaf kar diya . Phir farmaya ke jab tum mein se koi shakhs thookay to usay apne munh ke samne ya dayen taraf nahi thookna chahiye , balkay bayen taraf ya apne paon ke neechay thook lay .