Hum se Ishaq bin Ibrahim ne byaan kiya , un se Jareer ne , un se Ismail ne , un se Qays bin Abi Hazim ne aur un se Jareer bin Abdullah razi Allahu anhuma ne byaan kiya ke hum ek raat Nabi Karim salla Allahu alaihi wasallam ke saath baithe huay thay chaudhween raat ku . Nabi Karim salla Allahu alaihi wasallam ne chaand ki taraf dekha aur phir farmaya ke yaqeenan tum apne Rabb ko isi tarah dekho ge jis tarah is chaand ko dekh rahe ho . Is ki ru'yat mein tum dhakkam payl nahi karo ge (balkay bare itminan se ek doosre ko dhakka diye baghair dekho ge) is liye agar tumhare liye mumkin ho to sooraj nikalne aur doobne se pehle namaz na chhoro . Phir Aap ne aayat «wa sabbih bi-hamdi rabbika qabla tuloo-ish-shamsi wa qablal ghuroobi» ”aur apne Rabb ki hamd o tasbeeh karte rahiye aaftab nikalne se pehle aur chhupne se pehle .“ Ki tilawat ki .

Hum se Adam ne byaan kiya , kaha hum se Warqa ne byaan kiya , un se Ibn Abi Najih ne , un se Mujahid ne byaan kiya , ke Ibn Abbas razi Allahu anhuma ne unhein tamam namazon ke baad tasbeeh parhne ka hukm diya tha . Aap ka maqsad Allah Ta'ala ka irshad «wa adbar-as-sujoodi» ki tashreeh karna tha.