‏‏‏‏ Ali alaihis-salam ne kaha ke «az-zhariyaati» se murad hawayein hain . Un se ghair ne kaha ke «tazhruhu» ka maani yeh hai ke is ko bikher de (yeh lafz Surah al-Kahf mein hai) «ar-riyaaha» ki munasibat se yahan laya gaya . «wa fee anfusikum afala tubsiroona» yani khud tumhari zaat mein nishaniyan hain kya tum nahi dekhte ke khana peena ek raste munh se hota hai lekin woh fazla ban kar doosre raston se nikalta hai . «fa-raagha» laut aaya (ya chupke se) chala aaya . «fa-sakkat» yani mutthi baandh kar apne maathe par hath ko maara . «ar-rameemu» zameen ki ghaas jab khushk ho jaye aur raund di jaye . «lamoosi'oona» ke maani hum ne is ko kushada aur wasia kiya hai . (aur Surah al-Baqarah mein jo hai) «ala-lmoosii qadaruhu» yahan «moosi'un» ke maani zor taqat wala hai . «zaujayni» yani nar o mada ya alag alag rang ya alag alag mazay ki jaise meethi khatti yeh do qismein hain . «fafiroo ilallahi» yani Allah ki masiyat se is ki itaat ki taraf bhaag kar aao . «illa liyabudooni» yani jinn o ins mein jitni bhi naik roohein hain unhein main ne sirf apni tawheed ke liye paida kiya . Baazon ne kaha jinon aur aadmiyon ko Allah Ta'ala ne paida to isi maqsad se kiya tha ke woh Allah ki tawheed ko maanein lekin kuch ne mana aur kuch ne nahi mana . Mutazila ke liye is aayat mein koi daleel nahi hai . «az-zhanoobu» ke maani bare dol ke hain . Mujahid ne farmaya ke «zhanooban» bamaani rasta hai . Mujahid ne kaha ke «sarratin» ke maani cheekhna . «zhanooban» ke maani rasta aur tareeq ke hain . «al-aqeemu» ke maani jis ko bacha na paida ho baanjh . Ibn Abbas razi Allahu anhuma ne kaha ke «al-hubuki» se aasman ka khubsoort barabar hona murad hai . «fee ghamratin» yani apni gumrahi mein pare auqat guzarte hain . Auron ne kaha «tawaasaw» ka maani yeh hai ke yeh bhi un ke muwafiq kehne lage . «musawwimatun» nishan kiye gaye . Yeh «seema» se nikla hai jis ke maani nishani ke hain . «qutilal kharrasoona» yani jhoote lanat kiye gaye .