‏‏‏‏ Qatadah ne kaha «mastoorun» bamaani «maktoobun» yani likhi hui hai . Mujahid ne kaha «at-tooru» Suryani zaban mein pahar ko kehte hain «raqqim manshoorin» yani sahifa khula hua waraq . «as-saqfil marfoo-i» yani aasman . «al-masjooru» yani garm kiya gaya . Hasan Basri ne kaha «masjooru» se murad yeh hai ke samundar mein ek din tughyani aa kar is ka saara pani sookh jaye ga aur is mein ek qatra bhi baqi na rahe ga . Mujahid ne kaha ke «alatnaahum» ke maani ghataya , kam kiya . Mujahid ke alawa doosron ne kaha ke «tamooru» ghoome ga . «ahlaamuhum» ke maani un ki aqlein . Abdullah bin Abbas razi Allahu anhuma ne kaha «al-barru» ke maani meherban . «kisfan» ke maani tukre . «al-manoonu» ke maani maut . Auron ne kaha «yatanaza'oona» ka maani ek doosre se jhapat lein unhein mazaaq se ya larayi se .