Aur Ahmad bin Shabib ne byaan kiya , kaha hum se hamare walid Shabib bin Saeed ne byaan kiya , un se Yunus bin Yazid ne , un se Ibn Shihab ne byaan kiya , un se Urwah ne aur un se Aisha razi Allahu anha ne kaha ke Allah in auraton par raham kare jinon ne pehli Hijrat ki thi . Jab Allah Ta'ala ne aayat «wal-yadhribna bi-khumurihinna ala juyoobihinna» ”aur apne dopatte apne seenon par daale raha karein .“ (taake seena aur gala waghaira na nazar aaye) nazil ki , to unhon ne apni chadaron ko phaar kar un ke dopatte bana liye .

Hum se Abu Naeem ne byaan kiya , kaha hum se Ibrahim bin Nafi ne byaan kiya , un se Hasan bin Muslim ne , un se Safiya bint Shaybah ne aur un se Aisha razi Allahu anha byaan karti thi ke jab yeh aayat nazil hui «wal-yadhribna bi-khumurihinna ala juyoobihinna» ke ”aur apne dopatte apne seenon par daale raha karein“ to (Ansar ki auraton ne) apne tehbandon ko donon kinare se phaar kar un ki orhniyaan bana lien .