«ar-rifdul marfoodu» madad jo di jaye (inam jo marhamat ho) . Arab log kehte hain «rafadtuhu» yani main ne is ki madad ki . «tarkanoo» ka maani jhuko , mayal ho . «falaula kaana» yani kyun na huay . «utrifoo» halak kiye gaye . Ibn Abbas razi Allahu anhuma ne kaha «zafeerun» zor ki aawaz ko aur «shaheequn» past aawaz ko kehte hain .

Hum se Sadaqah bin Fadl ne byaan kiya , kaha hum ko Abu Muawiyah ne khabar di , un se Burayd bin Abi Burdah ne byaan kiya , un se Abu Burdah ne aur un se Abu Musa razi Allahu anhu ne byaan kiya ke Rasool Allah salla Allahu alaihi wasallam ne farmaya ke Allah Ta'ala zhahlim ko chand roz duniya mein mohlat deta rehta hai lekin jab pakarta hai to phir nahi chhorta . Rawi ne byaan kiya ke phir Aap salla Allahu alaihi wasallam ne is aayat ki tilawat ki «wa kazhalika akhzhu rabbika izha akhzhal qura wa hiya zhaalimatun inna akhzhahu aleemun shadeedun» ”aur tere Parvardigar ki pakar isi tarah hai , jab woh basti walon ko pakarta hai . Jo (apne oopar) zulm karte rehte hain , beshak is ki pakar bari takleef dene wali aur bari hi sakht hai .“