Hum se Aadam bin Abi Iyaas ne byaan kiya , kaha ke hum se Shubah ne byaan kiya , kaha ke hum se Amr bin Murrah ne byaan kiya , unhon ne kaha ke main ne Abu Wail Shaqeeq bin Muslim se suna ke ek shakhs Abdullah bin Masood razi Allahu anhu ki khidmat mein haazir hua aur kaha ke main ne raat ek rakat mein mufassal ki surat parhi . Aap ne farmaya ke kya isi tarah (jaldi jaldi) parhi jaise sher parhe jate hain . Main un hum maani suraton ko jaanta hoon jinhein Nabi Karim salla Allahu alaihi wasallam ek saath mila kar parhte thay . Aap ne mufassal ki bees suraton ka zikr kiya . Har rakat ke liye do do surtain .

Hum se Abdan ne byaan kiya , un se Abu Hamzah (Muhammad bin Maymoon) ne un se Aamash ne , un se Shaqeeq ne byaan kiya ke Abdullah bin Masood razi Allahu anhu ne kaha main in jurwan suraton ko jaanta hoon jinhein Nabi Karim salla Allahu alaihi wasallam har rakat mein do do parhte thay phir Abdullah bin Masood razi Allahu anhu majlis se kharay ho gaye (aur apne ghar) chale gaye . Alqamah bhi Aap ke saath andar gaye . Jab Alqamah razi Allahu anhu bahar niklay to hum ne in se unhi suraton ke mutalliq poocha . Unhon ne kaha yeh shuru mufassal ki bees surtein hain , in ki aakhri surtein woh hain jin ki awwal mein «ha-meem» hai . «ha-meem ad-dukhaan» aur «amma yatasa-aloona» bhi in hi mein se hain .

Hum se Abu al-Nu'man ne byaan kiya , kaha hum se Mahdi bin Maymoon ne , kaha hum se Wasil Ahdab ne , in se Abu Wail ne Abdullah bin Masood razi Allahu anhu se byaan kiya ke hum in ki khidmat mein subah sawayray hazir huay . Hazireen mein se ek sahab ne kaha ke raat main ne (tamam) mufassal surtein parh dalien . Is par Abdullah bin Masood razi Allahu anhu bolay jaise ashaar jaldi jaldi parhte hain tum ne waise hi parh li ho gi . Hum se qirat suni hai aur mujhe woh jorr wali surtein bhi yaad hain jin ko mila kar namazon mein Nabi Karim salla Allahu alaihi wasallam parha karte thay . Yeh atharah surtein mufassal ki hain aur woh do surtein jin ke shuru mein «ha-meem» hai .