Hum se Umar bin Hafs ne byaan kiya ke kaha hum se mere walid ne , unhon ne kaha ke hum se Sulayman bin Mahran Amash ne byaan kiya , kaha ke mujh se Umarah bin Umayr ne byaan kiya Abu Mamar Abdullah bin Mukhbirah se , kaha ke hum ne Khabbab bin Aratt se poocha kya Nabi Karim salla Allahu alaihi wasallam Zuhr aur Asr mein qiraat kiya karte thay ? To unhon ne batlaya ke haan , hum ne poocha ke Aap logon ko kis tarah maloom hota tha ? Farmaya ke Aap salla Allahu alaihi wasallam ki daari mubarak ke hilne se .

Hum se Musa bin Ismail ne byaan kiya , kaha ke hum se Abdul Wahid ne byaan kiya , kaha ke hum se Amash ne Umarah bin Umayr se byaan kiya , unhon ne (Abdullah bin Mukhbirah) Abu Mamar se , unhon ne byaan kiya ke hum ne Khabbab bin Aratt razi Allahu anhu Sahabi se poocha kya Rasool Allah salla Allah salla Allahu alaihi wasallam Zuhr aur Asr ki rakaton mein (Fatihah ke siwa) aur kuch qiraat karte thay ? Unhon ne farmaya ke haan . Hum ne arz ki ke Aap log yeh baat kis tarah samajh jate thay . Farmaya ke Aap salla Allahu alaihi wasallam ki daari mubarak ke hilne se .

Hum se Muhammad bin Yusuf Baykandi ne byaan kiya , kaha ke hum se Sufyan bin Uyaynah ne Amash se , unhon ne Umarah bin Umayr se , unhon ne Abu Mamar se ke main ne Khabbab bin al-Aratt se poocha ke kya Nabi Karim salla Allahu alaihi wasallam Zuhr aur Asr ki namazon mein qiraat kiya karte thay ? To unhon ne kaha ke haan! main ne kaha ke Nabi Karim salla Allahu alaihi wasallam ki qiraat karne ko Aap log kis tarah maloom kar lete thay ? Farmaya ke Aap salla Allahu alaihi wasallam ki daari mubarak ke hilne se .

Hum se Qutaybah bin Saeed ne byaan kiya , kaha ke hum se Jareer bin Abdul Hameed ne Amash se byaan kiya , woh Umarah bin Umayr se , woh Abu Mamar Abdullah bin Mukhbirah se , unhon ne byaan kiya ke hum ne Khabbab bin Aratt razi Allahu anhu se kaha ke kya Rasool Allah salla Allahu alaihi wasallam Zuhr aur Asr mein Quran Majeed parhte thay ? Unhon ne jawab diya ke haan! hum ne poocha ke Aap ko maloom kis tarah hota tha . Unhon ne batlaya ke Aap salla Allahu alaihi wasallam ki resh mubarak ke hilne se .