Hum se Hasan bin Sabbah ne bayan kiya, unhon ne kaha hum se Shababah ne bayan kiya, unhon ne kaha hum se Warqa ne bayan kiya, in se Abdullah bin Abd-ul-Rahman ne bayan kiya, unhon ne Anas bin Malik razi Allahu anhu se suna ke Rasool Allah salla Allahu alaihi wasallam ne farmaya ”insan barabar sawal karta rahe ga, yahan tak ke sawal kare ga ke yeh to Allah hai, har cheez ka paida karne wala lekin Allahku kis ne paida kiya.“

Hum se Yahya Bin Bukair ne bayan kiya, kaha hum se Laith Bin Saad ne bayan kiya, un se Aqeel ne, un se Ibn Shihab ne bayan kiya, unhein Urwah ne khabar di aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya "Tum mein se kisi ke paas shaitan aata hai aur tumhare dil mein pehle to ye sawal paida karta hai ke falan cheez kis ne paida ki, falan cheez kis ne paida ki? Aur aakhir mein baat yahan tak pahunchata hai ke khud tumhare Rabb ko kis ne paida kiya? Jab kisi shakhs ko aisa waswasa dale to Allah se panah mangni chahiye, shaitani khayal ko chhod de."
.