`Hum se Abu Kuraib Muhammad bin al-Ala ne bayan kiya, kaha hum se Usama ne bayan kiya, un se Buraid ne, un se un ke dada Abu Burda ne aur un se Abu Musa Ash'ari Radi Allahu Anhu ne ke Nabi Kareem صلی اللہ علیہ وسلم ne farmaya ”Meri aur jis dawat ke saath mujhe Allah Ta'ala ne bheja hai is ki misal ek aise shakhs jaisi hai jo kisi qaum ke paas aaye aur kahe: ay qaum! mein ne ek lashkar apni aankhon se dekha hai aur mein nang dharang tum ko darane wala hoon, pas bachao ki surat karo to is qaum ke ek giroh ne baat maan li aur raat ke shuru hi mein nikal bhage aur hifazat ki jagah chale gaye. Is liye najat pa gaye lekin un ki doosri jama'at ne jhutlaya aur apni jagah hi par maujood rahe, phir subah sawere hi dushman ke lashkar ne unhein aa liya aur unhein mara aur un ko barbad kar diya. To yeh misal hai is ki jo meri ata'at karein aur jo dawat mein laya hoon is ki pairwi karein aur is ki misal hai jo meri nafarmani karein aur jo haqq mein le kar aaya hoon ise jhutlayein.

Hum se Muhammad bin Alaa ne bayan kiya , kaha hum se Abu Usamah ne bayan kiya , in se Burayd bin Abdullah bin Abi Burdah ne in se Abu Burdah ne , aur in se Abu Musa razi Allahu anhu ne bayan kiya ke Rasool Allah salla Allahu alaihi wasallam ne farmaya ”meri aur jo kuch kalam Allah ne mere saath bheja hai is ki misal ek aise shakhs jaisi hai jo apni qaum ke paas aaya aur kaha ke main ne (tumhare dushman ka) lashkar apni aankhon se dekha hai aur main waazih daraanay wala hoon . Pas bhago , pas bhago (apni jaan bachao) is par ek jama'at ne is ki baat maan li aur raat hi raat itminan se kisi mahfooz jagah par nikal gaye aur najat paayi . Lekin doosri jama'at ne usay jhutlaya aur dushman ke lashkar ne subah ke waqt achanaak unhein aa liya aur tabah kar diya .“