`Hum se Said bin Afir ne bayan kiya, kaha hum se Laith bin Saad ne bayan kiya, kaha ke mujh se Aqeel ne bayan kiya, un se Ibn Shihab ne, unhein Said ne khabar di, unhein Abu Hurairah Radi Allahu Anhu ne khabar di ke Rasul Allah صلی اللہ علیہ وسلم ne farmaya ”Mein soya hua tha ke mein ne apne aap ko ek kunwein par dekha. Is par ek dowl tha. Jitna Allah ne chaha mein ne is mein se pani kheencha, phir is dowl ko Ibn Abi Quhafa ne le liya aur unhon ne bhi ek ya do dowl kheenchne aur un ke kheenchne mein kamzori thi, Allah un ki magfirat kare phir wo bada dowl ban gaya aur ise Umar bin Khattab ne utha liya. Mein ne kisi mahir ko Umar bin Khattab ki tarah kheenchte nahi dekha yahan tak ke unhon ne logon ke liye oonton ke hauz bhar diye. Logon ne apne oonton ko seerab kar ke apne thanon par le ja kar bitha diya.“

Hum se Abbas bin Waleed Narsi ne bayan kiya, kaha hum se Mutamir bin Sulaiman ne bayan kiya kaha ke mein ne apne walid se suna, un se Abu Usman ne bayan kiya ke mujhe yeh baat maloom karayi gayi ke Jibrail Alaihis Salam ek martaba Nabi Kareem Sallallahu Alaihi Wa Sallam ke pas aaye aur Aap se batein karte rahe. Is waqt Aap Sallallahu Alaihi Wa Sallam ke pas Umm-ul-Momineen Umm-e-Salamah Radi Allahu Anha baithi hui thin. Jab Jibrail Alaihis Salam chale gaye to Aap Sallallahu Alaihi Wa Sallam ne Umm-e-Salamah se farmaya: Maloom hai yeh kon sahib thay? Ya aise hi alfaz irshad farmaye. Abu Usman ne bayan kiya ke Umm-e-Salamah ne jawab diya ke yeh Dihyah Kalbi Radi Allahu Anhu thay. Umm-e-Salamah ne bayan kiya Allah ki qasam mein samjhe baithi thi ke woh Dihyah Kalbi Radi Allahu Anhu hain. Aakhir jab mein ne Aap Sallallahu Alaihi Wa Sallam ka khutba suna jis mein Aap Jibrail Alaihis Salam (ki aamad) ki khabar de rahe thay to mein samjhi ke woh Jibrail Alaihis Salam hi thay. Ya aise hi alfaz kahe. Bayan kiya ke mein ne Abu Usman se poocha ke Aap ne yeh hadeeth kis se suni? To unhon ne bataya ke Usama bin Zaid Radi Allahu Anhuma se suni hai.

Hum se Abdan ne bayan kiya, kaha hum ko Abdullah bin al-Mubarak ne khabar di, unhein Yunus ne, un se Zuhri ne bayan kiya, kaha mujh ko Ibn al-Musayyib ne khabar di aur unhon ne Abu Hurairah Radi Allahu Anhu se suna, unhon ne kaha ke mein ne Rasoolullah Sallallahu Alaihi Wa Sallam se suna, Aap Sallallahu Alaihi Wa Sallam ne farmaya ke mein so raha tha ke khwab mein mein ne apne aap ko ek kunwein par dekha jis par dol tha. Allah Ta'ala ne jitna chaha mein ne is dol se pani khincha, phir ise Ibn Abi Quhafah (Abu Bakr Radi Allahu Anhu) ne le liya aur unhon ne ek ya do dol khinche, in ke khinchne mein kuch kamzori si maloom hui Allah in ki is kamzori ko maaf farmaye. Phir is dol ne ek bahut bade dol ki surat ikhtiyar kar li aur ise Umar bin Khattab (Radi Allahu Anhu) ne apne hath mein le liya. Mein ne aisa shah-zor pehalwan aadmi nahi dekha jo Umar (Radi Allahu Anhu) ki tarah dol khinch sakta. Unhon ne itna pani nikala ke log ne apne onton ko houz se seerab kar liya.

Mujh se Abu Abdullah Ahmad bin Sa'id ne bayan kiya, kaha hum se Wahb bin Jarir ne bayan kiya, kaha hum se Sakhr ne bayan kiya, in se Nafi ne aur in se Abdullah bin Umar Radi Allahu Anhuma ne bayan kiya ke Rasoolullah Sallallahu Alaihi Wa Sallam ne farmaya ke mein ek kunwein par (khwab mein) khara is se pani khinch raha tha ke mere pas Abu Bakr aur Umar bhi pahunch gaye. Phir Abu Bakr ne dol le liya aur ek ya do dol khinche, in ke khinchne mein du'f tha aur Allah Ta'ala in ki maghfirat karega. Phir Abu Bakr ke hath se dol Umar ne le liya aur in ke hath mein pahunchte hi woh ek bahut bade dol ki shakl mein ho gaya. Mein ne koi himmat wala aur bahadur insan nahi dekha jo itni husn-e-tadbeer aur mazboot quwwat ke sath kaam karne ka aadi ho, chunanche unhon ne itna pani khincha ke log ne onton ke pani pilane ki jaghein bhar lein, Wahb ne bayan kiya ke "al-atan" onton ke baithne ki jagah ko kehte hain, Arab log bolte hain, ont seerab hue ke (wahin) baith gaye.

Hum se Muhammad bin Abdullah bin Numair ne bayan kiya, kaha hum se Muhammad bin Bishr ne bayan kiya, kaha hum se Ubaidullah ne bayan kiya, kaha ke mujh se Abu Bakr bin Salim ne bayan kiya, in se Salim ne aur in se Abdullah bin Umar Radi Allahu Anhuma ne ke Nabi Kareem Sallallahu Alaihi Wa Sallam ne farmaya ke mein ne khwab mein dekha ke mein ek kunwein se ek accha bada dol khinch raha hun, jis par "lakri ka charkh" laga hua hai, phir Abu Bakr aaye aur unhon ne bhi ek ya do dol khinche magar kamzori ke sath aur Allah in ki maghfirat kare. Phir Umar aaye aur in ke hath mein woh dol ek bahut bade dol ki surat ikhtiyar kar gaya. Mein ne in jaisa mazboot aur ba-azmat shakhs nahi dekha jo itni mazbooti ke sath kaam kar sakta ho. Unhon ne itna khincha ke log seerab ho gaye aur apne onton ko pila kar in ke thikanon par le gaye. Ibn Jubair ne kaha ke "abqari" ka mani umdah aur "zarabi" aur "abqari" sardar ko bhi kehte hain (hadeeth mein "abqari" se yahi murad hai) Yahya bin Ziyad Farra ne kaha, "zarabi" in bichonon ko kehte hain jin ke hashiye bareek, phaile hue bahut kasrat se hote hain.

`Hum se Yaqub bin Ibrahim bin Kaseer ne bayan kiya, kaha hum se Shuaib bin Harb ne bayan kiya, kaha hum se Sakhr bin Juwairiya ne bayan kiya, kaha hum se Nafi' ne bayan kiya aur un se Abdullah bin Umar Radi Allahu Anhuma ne bayan kiya ke Rasul Allah صلی اللہ علیہ وسلم ne farmaya ”(Khwab mein) mein ek kunwein se pani kheench raha tha ke Abu Bakr aur Umar bhi aa gaye. Ab Abu Bakr ne dowl le liya aur ek ya do dowl pani kheencha. Un ke kheenchne mein kamzori thi. Allah Ta'ala un ki magfirat kare Aameen. Is ke baad Umar bin Khattab ne ise Abu Bakr ke haath se le liya aur wo dowl un ke haath mein bada dowl ban gaya. Mein ne Umar jaisa pani kheenchne mein kisi ko mahir nahi dekha. Unhon ne khoob pani nikala yahan tak ke logon ne oonton ke liye pani se hauz bhar liye.“

`Hum se Ahmad bin Yunus ne bayan kiya, kaha hum se Zuhair ne bayan kiya, kaha hum se Musa ne bayan kiya, un se Salim ne, un se un ke walid ne ke Nabi Kareem صلی اللہ علیہ وسلم ne Abu Bakr o Umar Radi Allahu Anhuma ke khwab ke silsile mein farmaya ke mein ne logon ko dekha ke jama ho gaye hain phir Abu Bakr khade hue aur ek ya do dowl pani kheencha aur un ke kheenchne mein kamزوری thi, Allah un ki magfirat kare. Phir Umar bin Khattab khade hue aur wo bada dowl ban gaya. Mein ne logon mein se kisi ko itni maharat ke saath pani nikalte nahi dekha yahan tak ke logon ne hauz bhar liye.

`Hum se Ishaq bin Ibrahim ne bayan kiya, kaha humein Abdur Razzaq ne khabar di, un se Ma'mar ne, un se Hammam ne unhon ne Abu Hurairah Radi Allahu Anhu se suna, unhon ne bayan kiya ke Rasul Allah صلی اللہ علیہ وسلم ne farmaya ”Mein soya hua tha ke mein ne khwab dekha ke mein hauz par hoon aur logon ko seerab kar raha hoon phir mere paas Abu Bakr aaye aur mujhe aaram dene ke liye dowl mere haath se le liya phir unhon ne do dowl kheencha un ke kheenchne mein kamzori thi, Allah un ki magfirat kare. Phir Umar bin Khattab aaye aur un se dowl le liya aur barabar kheenchte rahe yahan tak ke log seerab ho kar chal diye aur hauz se pani lab-a-lab ubal raha tha.“

Hum se Yasra bin Safwan bin Jameel al-Luhmi ne bayan kiya , kaha hum se Ibrahim bin Saad ne bayan kiya , in se Zuhri ne , in se Saeed bin al-Musayyab ne aur in se Abu Hurairah razi Allahu anhune ke Rasool Allah salla Allahu alaihi wasallam ne farmaya ”main soya hua thu ke main ne apne Aap ko ek kunwien par dekha . Phir main ne jitna Allah Ta'ala ne chaha is mein se pani nikala . Is ke baad Abu Bakr bin Abi Quhafah razi Allahu anhune doul le liya aur unhon ne bhi ek do doul pani nikala albatta in ke khainchne mein kamzori ku aur Allah unhein maaf kare . Phir Umar razi Allahu anhune usay le liya aur woh in ke hath mein ek bada doul ban gaya . Main ne kisi qawi wa bahadur ko is tarah doul par doul nikaalte nahi dekha , yahan tak ke logon ne in ke charon taraf maweshiyon ke liye baadein bana lein .“