`Hum se Musaddad ne bayan kiya, unhon ne kaha hum se Yahya Qattan ne bayan kiya, un se Ubaidullah bin Umar ne bayan kiya, unhon ne kaha ke hum se Zuhri ne bayan kiya, un se Hasan aur Abdullah bin Muhammad bin Ali ne bayan kiya, un se un ke walid ne ke Ali Radi Allahu Anhu se kaha gaya ke Abdullah bin Abbas Radi Allahu Anhuma aurton ke Mut'ah mein koi haraj nahi samajhte unhon ne kaha ke Rasul Allah صلی اللہ علیہ وسلم ne Khaibar ki ladayi ke mauqe par Mut'ah se aur paltu gadhon ke gosht se mana kar diya tha aur baaz log kehte hain ke agar kisi ne heela se Mut'ah kar liya to nikah fasid hai aur baaz logon ne kaha ke nikah jaiz ho jaye ga aur miyad ki shart baatil ho jaye gi.

Mujh se Yahya Bin Qazaa ne bayan kiya ‘ kaha hum se Imam Malik ne bayan kiya ‘ in se Ibn Shihab ne bayan kiya ‘ in se Abdullah aur Hasan ne jo dono Muhammad Bin Ali ke sahabzade hain ‘ in se in ke walid ne aur in se Ali Bin Abi Talib Radi Allahu Anhu ne ke Nabi Kareem Sallallahu Alaihi Wasallam ne Ghazwa Khaibar ke mauqe par aurton se mutaa ki mamanat ki thi aur paltu gadhon ke khane ki bhi
.