Hum se Musa bin Ismail ne bayan kiya, in se Wuhaib bin Khalid ne bayan kiya, in se Ayub Sakhtiyani ne, in se Abu Qulabah ne aur in se Anas razi Allahu anhu ne bayan kiya ke qabila Ukal ke kuch log Nabi Karim salla Allahu alaihi wasallam ke paas san 6 Hijri mein aaye aur yeh log masjid ke saibaan mein thehre. Madinah Munawwarah ki aab-o-hawa unhein muafiq nahi aayi. Unhon ne kaha: ya Rasool Allah! Hamare liye doodh kahin se muhay-ya kara dein, Nabi Karim salla Allahu alaihi wasallam ne farmaya ke yeh to meere paas nahi hai. Albatta tum log hamare oonton mein chale jao. Chunanche woh aaye aur in ka doodh aur peshab piya aur sehat-mand ho kar mote taze ho gaye. Phir unhon ne charwahe ko qatl kar diya aur oonton ko hanka le gaye. Itne mein Nabi Karim salla Allahu alaihi wasallam ke paas faryadi pahuncha aur Nabi Karim salla Allahu alaihi wasallam ne in ki talash mein sawar bheije. Abhi dhoop zyada phaili bhi nahi ku ke unhein pakar kar laya gaya phir Nabi Karim salla Allahu alaihi wasallam ke hukm se salaiyaan garm ki gayiein aur in ki aankhon mein pher di gayiein aur in ke hath paon kaat diye gaye aur in ke (zakham se khoon ko rokne ke liye) unhein dagha bhi nahi gaya. Is ke baad woh Harrah (Madinah ki pathreeli zameen) mein daal diye gaye, woh pani maangte thay lekin unhein pani nahi diya gaya. Yahan tak ke woh mar gaye. Abu Qulabah ne kaha ke yeh is wajah se kiya gaya thu ke unhon ne chori ki thi, qatl kiya thu aur Allah aur is ke Rasool se ghada-raana larayi lari ku.

Hum se Sulaiman bin Harb ne bayan kiya, unhon ne Hammad bin Zaid se, woh Ayyub se, woh Abu Qilaabah se, woh Anas Radhiallahu Anhu se riwayat karte hain ke kuch log ’Ukl ya ’Uraina (qabeelon) ke Madinah mein aaye aur beemaar ho gaye. Rasoolullah Sallallahu Alaihi Wasallam ne unhein Liqaah mein jaane ka hukm diya aur farmaaya ke wahan oonton ka doodh aur peshaab piyen. Chunanche woh Liqaah chale gaye aur jab achche ho gaye to Rasoolullah Sallallahu Alaihi Wasallam ke charwaahe ko qatl kar ke woh jaanwaron ko haank kar le gaye. Alas-subah Rasoolullah Sallallahu Alaihi Wasallam ke paas (is waqiya ki) khabar aayi. To Aap ne un ke peeche aadmi daudaaye. Din chadhe woh Nabi Kareem Sallallahu Alaihi Wasallam ki khidmat mein pakad kar laaye gaye. Aap ke hukm ke mutabiq un ke haath paaon kaat diye gaye aur aankhon main garam salakhain pher di gayien aur (Madinah ki) pathreeli zameen mein daal diye gaye. (piyaas ki shiddat se) woh paani maangte the magar unhein paani nahi diya jaata tha. Abu Qilaabah ne (un ke jurm ki sangeeni zahir karte huwe) kaha ke un logon ne chori ki aur charwaahon ko qatl kiya aur (aakhir) imaan se phir gaye aur Allah aur us ke Rasool se jung ki.

Hum se Musaddad ne byaan kiya ‘ kaha ke hum se Yahya Qattan ne byaan kiya ‘ un se Shubah ne kaha ke hum se Qatada ne byaan kiya ‘ aur un se Anas razi Allahu anhu ne ke Uraynah ke kuch logon ko Madina ki aab o hawa muwafiq nahi aayi . Rasool Allah salla Allahu alaihi wasallam ne unhein is ki ijazat de di ke woh zakat ke oonton mein ja kar in ka doodh aur peshab istemal karein (kyunke woh aise marad mein mubtala thay jis ki dawa yahi thi) lekin unhon ne (in oonton ke) charwahe ko maar dala aur oonton ko le kar bhaag nikle . Rasool Allah salla Allahu alaihi wasallam ne in ke peeche aadmi dodaye aakhir woh log pakar laye gaye . Aap salla Allahu alaihi wasallam ne in ke haath aur paaon katwa diye aur in ki aankhon mein garam salaiyan phirwa dein phir unhein dhoop mein dalwa diya (jis ki shiddat ki wajah se) woh patthar chabane lage thay . Is riwayat ki mutaba'at Abu Qilabah Thabit aur Humaid ne Anas razi Allahu anhu ke wasta se ki hai .

Hum se Mualla Bin Asad ne bayan kiya ‘ kaha hum se Wuhaib Bin Khalid ne bayan kiya ‘ in se Ayyub Sakhtiyani ne ‘ in se Abu Qilaba ne aur in se Anas Bin Malik (Radi Allahu Anhu) ne ke qabila Ukl ke ath aadmiyon ki jamaat Nabi Kareem (Sallallahu Alaihi Wasallam) ki khidmat mein (Islam qabool karne ko) hazir hui lekin Madinah ki aab o hawa unhein muafiq nahi aayi ‘ unhon ne arz kiya: ya Rasul Allah! Hamare liye (oont ke) doodh ka intezam kar dijaiye. Nabi Kareem (Sallallahu Alaihi Wasallam) ne farmaya ke mein tumhare liye doodh nahi de sakta ‘ tum (sadaqah ke) oonton mein chale jao. Un ka doodh aur peshab piyo ‘ taake tumhari sahat theek ho jaye. Wo log wahan se chale gaye aur un ka doodh aur peshab pee kar tandurust ho gaye to charwahe ko qatl kar diya ‘ aur oonton ko apne sath le kar bhag nikle aur Islam lane ke baad kufr kiya ‘ ek shakhs ne is ki khabar Aap (Sallallahu Alaihi Wasallam) ko di ‘ to Aap (Sallallahu Alaihi Wasallam) ne un ki talash ke liye sawar doraye ‘ dopehar se pehle hi wo pakar kar laye gaye. Un ke hath paon kaat diye gaye. Phir Aap ke hukm se un ki aankhon mein salayi garam kar ke pher di gayi aur unhein Harrah (Madinah ki pathreeli zameen) mein daal diya gaya. Wo pani mangte thay lekin unhein nahi diya gaya. Yahan tak ke wo sab mar gaye. (Aaisa hi unhon ne oonton ke charane walon ke sath kiya tha ‘ jis ka badla unhein diya gaya) Abu Qilaba ne kaha ke unhon ne qatl kiya tha ‘ chori ki thi ‘ Allah aur us ke Rasul (Sallallahu Alaihi Wasallam) ke sath jung ki thi aur zameen mein fasad barpa karne ki koshish ki thi
.

Mujh se Abd-ul-A'la Bin Hammad ne bayan kiya ‘ kaha hum se Yazid Bin Zurai ne bayan kiya ‘ kaha hum se Saeed ne bayan kiya ‘ in se Qatada ne aur in se Anas Bin Malik Radi Allahu Anhu ne bayan kiya ke qabail Ukal-o-Uraina ke kuch log Nabi Kareem Sallallahu Alaihi Wasallam ki khidmat mein Madina aaye aur Islam mein dakhil ho gaye. Phir unhon ne kaha: Ai Allah ke nabi! Hum log maweshi rakhte thay ‘ khet waghaira hamare pas nahi thay ‘ (is liye hum sirf doodh par basar auqat kiya karte thay) aur unhein Madina ki ab-o-hawa namuwafiq ayi to Nabi Kareem Sallallahu Alaihi Wasallam ne kuch oont aur charwaha in ke sath kar diya aur farmaya ke unhein oontom ka doodh aur peshab piyo (to tumhein sehat hasil ho jaye gi) wo log (charagah ki taraf) gaye. Lekin maqam-e-Harra ke kinare pahunchte hi wo Islam se phir gaye aur Nabi Kareem Sallallahu Alaihi Wasallam ke charwahe ko qatl kar diya aur oontom ko le kar bhagne lage. Is ki khabar jab Aap Sallallahu Alaihi Wasallam ko mili to Aap ne chand sahaba ko in ke peeche doraya. (Wo pakar kar Madina laye gaye.) To Aap Sallallahu Alaihi Wasallam ke hukm se in ki aankhon mein garam salaiyan pher di gayin aur in ke hath aur pair kaat diye gaye (kyunke unhon ne bhi aisa hi kiya tha) aur unhein Harra ke kinare chor diya gaya. Aakhir wo isi halat mein mar gaye. Qatada ne bayan kiya ke humein ye riwayat pahunchi hai ke Aap Sallallahu Alaihi Wasallam ne is ke baad sahaba ko sadqa ka hukm diya aur misla (maqtool ki lash bigarna ya eeza de kar ise qatl karna) se mana farmaya aur Shuba ‘ Aban aur Hammad ne Qatada se bayan kiya ke (ye log) Uraina ke qabile ke thay (Ukal ka naam nahi liya) aur Yahya Bin Abi Kaseer aur Ayub ne bayan kiya ‘ in se Abu Qilaba ne aur in se Anas Radi Allahu Anhu ne ke qabila Ukal ke kuch log aaye
.

Hum se Muslim bin Ibrahim ne bayan kiya, kaha hum se Salam bin Miskeen Abu al-Rauh Basri ne bayan kiya, kaha ke hum se Sabit ne bayan kiya in se Anas razi Allahu anhu ne ke kuch logon ko beemari thi, unhon ne kaha: ya Rasool Allah! Hamain qiyam ki jagah inayat farma dein aur hamare khane ka intizam kar dein phir jab woh log tandurust ho gaye to unhon ne kaha ke Madinah ki aab o hawa kharab hai chunanche Nabi Karim salla Allahu alaihi wasallam ne Maqam e Harra mein oonton ke saath in ke qiyam ka intizam kar diya aur farmaya ke in ka doodh piyo jab woh tandurust ho gaye to unhon ne Aap salla Allahu alaihi wasallam ke charwahe ko qatl kar diya aur oonton ko haank kar le gaye. Nabi Karim salla Allahu alaihi wasallam ne in ke peeche aadmi doriye aur woh pakre gaye (jaisa ke unhon ne charwahe ke saath kiya tha) Aap salla Allahu alaihi wasallam ne bhi waisa hi kiya in ke hath paon katwa diye aur in ki aankhon mein salayi phirwa di. Main ne in mein se ek shakhs ko dekha ke zaban se zameen chaat-ta tha aur isi halat mein woh mar gaya. Salam ne bayan kiya ke mujhe maloom hua ke Hajjaj ne Anas razi Allahu anhu se kaha tum mujh se woh sab se sakht saza bayan karo jo Rasool Allah salla Allahu alaihi wasallam ne kisi ko di ho to unhon ne yahi waqia bayan kiya jab Imam Hasan Basri tak yeh baat pahunchi to unhon ne kaha kaash woh yeh hadees Hajjaj se na bayan karte.

Hum se Musa bin Ismail ne bayan kiya, kaha hum se Humam ne bayan kiya, in se Qatadah ne aur in se Anas razi Allahu anhu ne ke (Uraina ke) kuch logon ko Madinah Munawwarah ki aab o hawa muwafiq nahi aayi thi to Nabi Karim salla Allahu alaihi wasallam ne in se farmaya ke woh Aap (Nabi Karim salla Allahu alaihi wasallam) ke charwahe ke haan chale jayein yani oonton mein aur in ka doodh aur peshab piyein. Chunanche woh log Nabi Karim salla Allahu alaihi wasallam ke charwahe ke paas chale gaye aur oonton ka doodh aur peshab piya jab woh tandurust ho gaye to unhon ne charwahe ko qatl kar diya aur oonton ko haank kar le gaye. Aap ko jab is ka ilm hua to Aap ne unhein talash karne ke liye logon ko bheja jab unhein laya gaya to Nabi Karim salla Allahu alaihi wasallam ke hukm se in ke bhi hath aur paon kaat diye gaye aur in ki aankhon mein salayi pher di gayi (jaisa ke unhon ne charwahe ke saath kiya tha). Qatadah ne bayan kiya ke mujh se Muhammad bin Sireen ne bayan kiya ke yeh hudood ke nazil hone se pehle ka waqia hai.

Hum se Abd-ul-A'la bin Hammad ne bayan kiya, kaha hum se Yazid bin Zuray ne bayan kiya, kaha hum se Saeed ne bayan kiya, kaha hum se Qatadah ne bayan kiya aur in se Anas bin Malik razi Allahu anhu ne bayan kiya ke qabila Ukl aur Uraina ke kuch log Rasool Allah salla Allahu alaihi wasallam ki khidmat mein hazir huay aur Islam ke baare mein guftagu ki. Unhon ne kaha ke Ae Allah ke Nabi! Hum maveshi wale hain hum log Ahl e Madinah ki tarah kashtkar nahi hain. Madinah ki aab o hawa unhein muwafiq nahi aayi thi, chunanche Nabi Karim salla Allahu alaihi wasallam ne in ke liye chand oonton aur ek charwahe ka hukm diya aur Aap salla Allahu alaihi wasallam ne farmaya ke woh log in oonton ke saath bahar chale jayein aur in ka doodh aur peshab piyein. Woh log chale gaye lekin Harra ke nazdeek pahunch kar woh Islam se murtad ho gaye aur Nabi Karim salla Allahu alaihi wasallam ke charwahe ko qatl kar dala aur oonton ko le kar bhaag paray jab Nabi Karim salla Allahu alaihi wasallam ko is ki khabar mili to Aap ne in ki talash mein aadmi doraye phir Aap ne in ke mutalliq hukm diya aur in ki aankhon mein salayi pher di gayi, in ke hath kaat diye gaye aur Harra ke kinare unhein chhorr diya gaya, woh isi halat mein mar gaye.

Hum se Ali bin Abdullah Madini ne bayan kiya, kaha hum se Waleed bin Muslim ne bayan kiya, kaha ke mujh se Abu Qulabah Jurmi ne bayan kiya, in se Anas razi Allahu anhu ne bayan kiya ke Nabi Karim salla Allahu alaihi wasallam ke paas qabila Ukal ke chand log aaye aur Islam qabool kiya lekin Madinah ki aab-o-hawa unhein muafiq nahi aayi (in ke pait phool gaye) to Nabi Karim salla Allahu alaihi wasallam ne in se farmaya ke sadqa ke oonton ke rewarh mein jayein aur in ka peshab aur doodh mila kar piyein. Unhon ne is ke mutabiq amal kiya aur tandurust ho gaye lekin is ke baad woh murtad ho gaye aur in oonton ke charwahon ko qatl kar ke oont hanka le gaye. Nabi Karim salla Allahu alaihi wasallam ne in ki talash mein sawar bheije aur unhein pakar ke laya gaya phir in ke hath paon kaat diye gaye aur in ki aankhen phorr di gayiein (kyunke unhon ne Islami charwahe ke saath aisa hi bartao kiya tha) aur in ke zakhmon par daagh nahi lagwaya gaya yahan tak ke woh mar gaye.

Hum se Abu Yala Muhammad bin Salt ne bayan kiya, kaha hum se Waleed ne bayan kiya, kaha mujh se Awzai ne bayan kiya, in se Yahya ne, in se Abu Qulabah ne aur in se Anas razi Allahu anhu ne ke Nabi Karim salla Allahu alaihi wasallam ne Urayniyon ke (hath paon) katwa diye lekin in par daagh nahi lagwaya, yahan tak ke woh mar gaye.

Hum se Qutaybah bin Saeed ne bayan kiya, kaha hum se Hammad bin Zayd ne bayan kiya, in se Ayub Sakhtiyani ne, in se Abu Qulabah ne aur in se Anas bin Malik razi Allahu anhu ne ke qabila Ukal ya Uraynah ke chand log main samajhta hoon Ukal ka lafz kaha, Madinah aaye aur Nabi Karim salla Allahu alaihi wasallam ne in ke liye doodh dene wali oontniyon ka intizham kar diya aur farmaya ke woh oonton ke gal-lah mein jayein aur in ka peshab aur doodh piyein. Chunanche unhon ne piya aur jab woh tandurust ho gaye to charwahe ko qatl kar diya aur oonton ko hanka le gaye. Nabi Karim salla Allahu alaihi wasallam ke paas yeh khabar subah ke waqt pahunchi to Aap ne in ke peeche sawar dorye. Abhi dhoop zyada phaili bhi nahi thi ke woh pakar kar laaye gaye. Chunanche Nabi Karim salla Allahu alaihi wasallam ke hukm se in ke bhi hath paon kaat diye gaye aur in ki bhi aankhon mein salayi pher di gayi aur unhein Harrah mein daal diya gaya. Woh pani maangte thay lekin unhein pani nahi diya jata thu. Abu Qulabah ne kaha ke yeh woh log thay jinon ne chori ki ku, qatl kiya thu, iman ke baad kufr ikhtiyar kiya thu aur Allah aur is ke Rasool se ghada-raana larayi lari ku.