Hum se Yahya bin Bukayr ne bayan kiya , kaha hum se Layth ne , in se Aqeel ne , in se Shihab ne , in se Urwah ne aur in se Aisha razi Allahu anha ne bayan kiya ke Nabi Karim salla Allahu alaihi wasallam ko jab bhi do cheezon mein se ek ke ikhtiyar karne ka hukm diya gaya to Aap ne in mein se aasaan hi ko pasand kiya , bashartay-ke is mein gunah ka koi pehlu na ho , agar is mein gunah ka koi pehlu hota to Aap is se sab se zyada door hote . Allah kiqasam! Nabi Karim salla Allahu alaihi wasallam ne kabhi apne zaati muamla mein kisi se badla nahi liya , albatta jab Allah kihurmaton ko tora jata to Aap Allahke liye badla laite thay .

Hum se Abdullah bin Yusuf ne bayan kiya, kaha hum ko Imam Malik ne khabar di, unhein Ibn Shihab ne, unhein Urwah bin Zubair ne aur un se Aisha Radi Allahu Anha ne bayan kiya ke Rasoolullah Sallallahu Alaihi Wa Sallam se jab bhi do cheezon mein se kisi ek ke ikhtiyar karne ke liye kaha gaya to Aap Sallallahu Alaihi Wa Sallam ne hamesha usi ko ikhtiyar farmaya jis mein Aap ko zyada aasani maloom hui bashart-e-ke us mein koi gunah na ho. Kyunki agar us mein gunah ka koi shaiba bhi hota to Aap us se sab se zyada door rahte aur Aap Sallallahu Alaihi Wa Sallam ne apni zaat ke liye kabhi kisi se badla nahi liya. Lekin agar Allah ki hurmat ko koi todta to Aap Sallallahu Alaihi Wa Sallam us se zaroor badla lete thay.

Hum se Abdullah bin Maslamah ne bayan kiya, in se Malik ne, in se Ibn Shihab ne, in se Urwah ne aur in se Aisha razi Allahu anha ne bayan kiya ke jab bhi Rasool Allahsalla Allahu alaihi wasallam ko do cheezon mein se ek ko ikhtiyar karne ka ikhtiyar diya gaya to Aap ne hamesha in mein aasaan cheezon ko ikhtiyar farmaya, bashart-e-ke is mein gunah ka koi pehlu na hota. Agar is mein gunah ka koi pehlu hota to Nabi Karim salla Allahu alaihi wasallam is se sab se zyada door rehte aur Nabi Karim salla Allahu alaihi wasallam ne apni zaat ke liye kisi se badla nahi liya, albatta agar koi shakhs Allah ki hurmat wa hadd ko torrta to Nabi Karim salla Allahu alaihi wasallam in se to mahz Allah ki raza-mandi ke liye badla laite.

Hum se Abdan ne bayan kiya , unhon ne kaha hum ko Abdullah bin Mubarak ne khabar di , unhon ne kaha hum ko Yunus ne khabar di , unhein Zuhri ne , unhein Urwah ne khabar di aur in se Aisha razi Allahu anha ne bayan kiya ke Rasool Allah salla Allahu alaihi wasallam ne apne zaati muamla mein kabhi kisi se badla nahi liya haan jab Allah kiqaim ki hui hadd ko tora jata to Aap phir badla laite thay .