Hum se Musa bin Ismail ne bayan kiya , kaha hum se Wuhaib ne bayan kiya , kaha hum se Abdullah bin Taoos ne bayan kiya , in se in ke walid ne aur in se Ibn Abbas razi Allahu anhuma ne ke Nabi Karim salla Allahu alaihi wasallam ne farmaya ”meras is ke haq-daron tak pahuncha do aur jo kuch baaqi bache woh sab se zyada qareebi mard azeez ka hissa hai .“

Hum se Muslim bin Ibrahim ne bayan kiya , kaha hum se Wuhaib ne bayan kiya , kaha hum se Abdullah bin Taoos ne bayan kiya , in se in ke walid ne aur in se Ibn Abbas ne bayan kiya ke Rasool Allah salla Allahu alaihi wasallam ne farmaya ”pehle meras in ke warison tak pahuncha do aur jo baaqi reh jaye woh us ko mile ga jo mard may-yit ka bahut nazdeeki rishta-dar ho .“

Hum se Sulayman bin Harb ne bayan kiya , kaha hum se Wuhaib ne bayan kiya , in se Ibn Taoos ne , in se in ke walid ne aur in se Ibn Abbas razi Allahu anhuma ne ke Nabi Karim salla Allahu alaihi wasallam ne farmaya ”meras is ke haqdar tak pahuncha do aur jo baaqi reh jaye woh sab se qareeb wale mard ko de do .“

Hum se Umay-yah bin Bastam ne bayan kiya , unhon ne kaha hum se Yazid bin Zuray ने bayan kiya , in se Rauh ne bayan kiya , in se Abdullah bin Taoos ne , in se in ke walid ne aur in se Abdullah bin Abbas razi Allahu anhuma ne ke Nabi Karim salla Allahu alaihi wasallam ne farmaya ”meras is ke warison tak pahuncha do aur jo kuch is mein se bach rahe woh qareebi azeez mard ka haq hai .“