Hum se Musa bin Ismail ne bayan kiya, unhon ne kaha hum se Salam bin Abi Mutee ne bayan kiya, in se Hisham bin Urwah ne bayan kiya, in se un ke walid Urwah bin Zubayr ne aur in se in ki khala (Umm al-Momineen Aisha Siddiqa razi Allahu anha) ne bayan kiya ke Nabi Karim salla Allahu alaihi wasallam panah maanga karte thay kaha «allaahumma innee aoozhu bika min fitnatin-naari wa min azhaabin-naari, wa aoozhu bika min fitnatil-qabri, wa aoozhu bika min azhaabil-qabri, wa aoozhu bika min fitnatil-ghinaa, wa aoozhu bika min fitnatil-faqri, wa aoozhu bika min fitnatil-maseehid-daj-jaali» ”Ae Allah! Main teri panah maangta hoon dozakh ki aazmaish se, dozakh ke azab se aur teri panah maangta hoon qabr ki aazmaish se aur teri panah maangta hoon qabr ke azab se aur teri panah maangta hoon maaldari ki aazmaish se aur teri panah maangta hoon Maseeh Dajjal ki aazmaish se.“

Hum se Abul Yaman ne byaan kiya , unhon ne kaha ke hamein Shoaib ne Zuhri se khabar di , unhon ne kaha ke hamein Urwah bin Zubayr ne khabar di , unhein Nabi Karim salla Allahu alaihi wasallam ki zaujah mutahharah Aishah Siddiqah razi Allahu anha ne khabar di ke Rasool Allah salla Allahu alaihi wasallam namaaz mein yeh dua parhte thay «Allahumma inni aoozu bika min azabil qabri wa aoozu bika min fitnatil masihid dajjal , wa aoozu bika min fitnatil mahya wa fitnatil mamat , Allahumma inni aoozu bika minal maathami wal maghram» aye Allah qabr ke azab se main teri panah maangta hoon . Zindagi ke aur maut ke fitnon se teri panah maangta hoon . Dajjal ke fitne se teri panah maangta hoon aur aye Allah main teri panah maangta hoon gunahon se aur qarz se . Kisi (yani Umm al-Momineen Aishah Siddiqah razi Allahu anha) ne Nabi Karim salla Allahu alaihi wasallam se arz ki ke Aap salla Allahu alaihi wasallam to qarz se bohot hi zyada panah maangte hain! Is par Aap salla Allahu alaihi wasallam ne farmaya ke jab koi maqrooz ho jaye to woh jhoot bolta hai aur wada khilafi ho jata hai .

Aur isi sanad ke saath Zuhri se riwayat hai unhon ne kaha ke mujhe Urwah bin Zubayr razi Allahu anhu ne khabar di ke Aishah Siddiqah razi Allahu anha ne kaha ke main ne Rasool Allah salla Allahu alaihi wasallam ko namaaz mein dajjal ke fitne se panah maangte suna .

Hum se Muslim bin Ibrahim ne byaan kiya ‘ unhon ne kaha hum se Hisham Dastuwai ne byaan kiya ‘ un se Yahya bin Abi Kaseer ne byaan kiya , un se Abu Salamah ne aur un se Abu Hurairah razi Allahu anhu ne byaan kiya ke Rasool Allah salla Allahu alaihi wasallam is tarah dua karte thay «Allahumma inni auzu bika min azabil-qabri, wa min azabin-nari, wa min fitnatil-mahya wal-mamat, wa min fitnatil-maseehid-dajjal» ”Ae Allah! main qabr ke azab se Teri panah chahta hoon aur Dozakh ke azab se aur zindagi aur maut ki aazmaishoon se aur kaane Dajjal ki bala se Teri panah chahta hoon“ .

Hum se Muhammad bin Bashar ne bayan kiya, unhon ne kaha hum ko Abu Muawiyah ne khabar di, unhon ne kaha hum ko Hisham bin Urwah ne khabar di, unhein un ke walid Urwah bin Zubayr ne aur in se Umm al-Momineen Aisha Siddiqa razi Allahu anha ne bayan kiya ke Nabi Karim salla Allahu alaihi wasallam yeh dua kiya karte thay «allaahumma innee aoozhu bika min fitnatin-naari wa azhaabin-naari, wa fitnatil-qabri wa azhaabil-qabri, wa sharri fitnatil-ghinaa wa sharri fitnatil-faqri, allaahumma innee aoozhu bika min sharri fitnatil-maseehid-daj-jaali, allaahum-magh-sil qalbee bi-maa-is-salji wal-baradi, wa naqqi qalbee minal-khataayaa kamaa naqqaitas-saubal-abyadha min-ad-danasi, wa baaid bainee wa baina khataayaaya, kamaa baaad-ta bainal-mashriqi wal-maghribi, allaahumma innee aoozhu bika minal-kasali, wal-masami wal-maghrami» ”Ae Allah! Main teri panah maangta hoon dozakh ke fitna se aur dozakh ke azab se aur qabr ki aazmaish se aur qabr ke azab se aur maaldari ki buri aazmaish se aur muhtaji ki buri aazmaish se aur Maseeh Dajjal ki buri aazmaish se. Ae Allah! Mere dil ko barf aur olay ke pani se dho de aur mere dil ko khatayon se saaf kar de jaisa ke sufaid kapre ko mail se saaf karta hai aur meere aur meri khatayon ke darmiyan itni doori kar de jitni doori mashriq o maghrib mein hai. Ae Allah! Main teri panah maangta hoon susti se, gunah se aur qarz se.“

`Hum se Abdul Aziz bin Abdullah ne bayan kiya, kaha hum se Ibrahim bin Saad ne bayan kiya, un se Salih ne, un se Ibn Shihab ne, un se Urwa ne aur un se Aisha Radi Allahu Anha ne bayan kiya ke mein ne Rasul Allah صلی اللہ علیہ وسلم se suna, Aap apni namaz mein Dajjal ke fitne se panah mangte thay.