`Hum se Muhammad bin Musanna ne bayan kiya, kaha hum se Yahya Qattan ne bayan kiya, un se Ismail bin Abi Khalid ne bayan kiya, un se Qais bin Abi Hazim ne bayan kiya, kaha ke mein Khabbab bin Arat Radi Allahu Anhu ki khidmat mein hazir hua unhon ne apne pait par saat daagh lagwa rakhe thay, mein ne suna ke wo keh rahe thay ke agar Nabi Kareem صلی اللہ علیہ وسلم ne humein maut ki dua karne se mana na kiya hota to mein is ki zaroor dua kar leta.

Hum se Adam bin Abi Iyas ne bayan kiya, kaha hum se Shubah ne, in se Ismail bin Abi Khalid ne aur in se Qays bin Abi Hazim ne bayan kiya ke hum Khabbab bin al-Arat razi Allahu anhu ke yahan in ki iyadat ko gaye unhon ne apne pait mein saat daagh lagwaye thay phir unhon ne kaha ke hamare saathi jo Rasool Allah salla Allahu alaihi wasallam ke zamana mein wafat pa chuke woh yahan se is haal mein rukhwat huay ke duniya in ka ajar o sawab kuch na ghata saki aur in ke amal mein koi kami nahi hui aur hum ne (maal o daulat) itni paayi ke jis ke kharch karne ke liye hum ne matti ke siwa aur koi mahal nahi paya (lage imaratein banwane) aur agar Nabi Karim salla Allahu alaihi wasallam ne hamain maut ki dua karne se mana na kiya hota to main is ki dua karta phir hum in ki khidmat mein dobara hazir huay to woh apni diwar bana rahe thay unhon ne kaha Musalman ko har is cheez par sawab milta hai jise woh kharch karta hai magar is (kam-bakht) imarat mein kharch karne ka sawab nahi milta.