Hum se Musaddad ne bayan kiya, unhon ne kaha hum se Mutamir bin Sulayman ne bayan kiya, kaha ke main ne Mansoor se suna, in se Saad bin Ubaidah ne bayan kiya ke mujh se Bara bin Azib razi Allahu anhu ne bayan kiya, unhon ne bayan kiya ke Rasool Allah salla Allahu alaihi wasallam ne farmaya ”jab tu sone lage to namaz ke wuzu ki tarah wuzu kar phir dayein karwat lait ja aur yeh dua parh «allaahumma aslamtu nafsee ilaika wa fau-wadtu amree ilaika wa aljatu zhahree ilaika rahbatan wa raghbatan ilaika laa malja-a wa laa manjaa minka illaa ilaika aamantu bi-kitaabikal-lazhee anzalta wa bi-nabiy-yikal-lazhee arsalta» ”Ae Allah! Main ne apne Aap ko teri itaat mein de diya. Apna sab kuch tere supard kar diya. Apne muamlat tere hawale kar diye. Khauf ki wajah se aur teri (rahmat wa sawab ki) umeed mein koi panah-gah koi mukhli-s tere siwa nahi main teri kitab par iman laya jo tu ne nazil ki hai aur tere Nabi par jin ko tu ne bheja hai.“ Is ke baad agar tum mar gaye to fitrat (deen e Islam) par maro ge pas in kalma-t ko (raat ki) sab se aakhri baat banao jinhein tum apni zaban se ada karo (Bara bin Azib razi Allahu anhu ne bayan kiya) main ne arz ki «wa bi-rasoolikal-lazhee arsalta» kehne mein kya wajah hai? Nabi Karim salla Allahu alaihi wasallam ne farmaya ke nahi «wa bi-nabiy-yikal-lazhee arsalta» kaho.

Hum se Muhammed bin Muqaatil ne bayan kiya, unhon ne kaha hum ko Abdullah ne khabar di, unhon ne kaha hamein Sufyan ne Mansoor ke waaste se khabar di, unhon ne Sa’d bin Ubaidah se, woh Bara bin Aazib Radhiallahu Anhuma se riwayat karte hain, woh kehte hain ke Rasoolullah Sallallahu Alaihi Wasallam ne farmaaya ke jab tum apne bistar par letne aao to us tarah Wuzu karo jis tarah Namaz ke liye karte ho. Phir daahni karwat par lait kar yun kaho «اللَّهُمَّ أَسْلَمْتُ وَجْهِي إِلَيْكَ، وَفَوَّضْتُ أَمْرِي إِلَيْكَ، وَأَلْجَأْتُ ظَهْرِي إِلَيْكَ، رَغْبَةً وَرَهْبَةً إِلَيْكَ، لَا مَلْجَأَ وَلَا مَنْجَى مِنْكَ إِلَّا إِلَيْكَ، اللَّهُمَّ آمَنْتُ بِكِتَابِكَ الَّذِي أَنْزَلْتَ، وَبِنَبِيِّكَ الَّذِي أَرْسَلْتَ» “Aye Allah! Main ne apna chehra teri taraf jhuka diya. Apna mu’aamla tere hi hawaale kar diya. Main ne tere sawab ki tawaqqo’ aur tere azaab ke darr se tujhe hi pusht panaah bana liya. Tere siwa kahien panaah aur najaat ki jagah nahi. Aye Allah! Jo kitaab tu ne naazil ki main us par imaan laaya. Jo Nabi tu ne bheja main us par imaan laaya.”To agar us haalat main usi raat mar gaya to fitrat par marega aur is dua ko sab baaton ke akheer main padh. Bara Radhiallahu Anhu kehte hain ke main ne Rasoolullah Sallallahu Alaihi Wasallam ke saamne is dua ko dobarah padha. Jab main «اللَّهُمَّ آمَنْتُ بِكِتَابِكَ الَّذِي أَنْزَلْتَ» par pahuncha to main ne «وَرَسُولِكَ» (ka lafz) keh diya. Aap Sallallahu Alaihi Wasallam ne farmaaya nahi (yun kaho) «وَنَبِيِّكَ الَّذِي أَرْسَلْتَ» .

Hum se Saeed bin Rabee aur Muhammad bin Ar-ara ne bayan kiya, in donon ne kaha ke hum se Shubah ne bayan kiya, in se Abu Ishaq ne bayan kiya, unhon ne Bara bin Azib razi Allahu anhuma se suna ke Nabi Karim salla Allahu alaihi wasallam ne ek sahabi ko hukm diya (doosri sanad) Imam Bukhari rahmahullah ne kaha ke hamase Adam ne bayan kiya, unhon ne kaha hum se Shubah ne bayan kiya in se Abu Ishaq Hamdani ne bayan kiya, aur in se Bara bin Azib razi Allahu anhuma ne bayan kiya ke Nabi Karim salla Allahu alaihi wasallam ne ek sahabi ko wasiyat kiya aur farmaya ke jab bistar par jaane lago to yeh dua parha karo «allaahumma aslamtu nafsee ilaika wa fau-wadtu amree ilaika wa waj-jahtu waj-hee ilaika wa aljatu zhahree ilaika raghbatan wa rahbatan ilaika laa malja-a wa laa manjaa minka illaa ilaika aamantu bi-kitaabikal-lazhee anzalta wa bi-nabiy-yikal-lazhee arsalta» ”Ae Allah! Main ne apni jaan tere supard ki aur apna muamla tujhe saunpa aur apne Aap ko teri taraf mutawaj-jo kiya aur tujh par bharosa kiya, teri taraf raghbat hai tere khauf ki wajah se, tujh se tere siwa koi jaye panah nahi, main teri kitab par iman laya jo tu ne nazil ki aur tere Nabi par jinhein tu ne bheja.“ Phir agar woh mara to fitrat (Islam) par mare ga.

Hum se Musaddad ne bayan kiya, unhon ne kaha hum se Abd-ul-Wahid ne bayan kiya, unhon ne kaha hum se Alaa bin Musayyab ne bayan kiya, unhon ne kaha ke mujh se mere baap ne bayan kiya aur in se Bara bin Azib razi Allahu anhuma ne bayan kiya ke Rasool Allah salla Allahu alaihi wasallam jab apne bistar par laytte to dayein pehlu par laytte aur phir kehte «allaahumma aslamtu nafsee ilaika wa waj-jahtu waj-hee ilaika wa fau-wadtu amree ilaika wa aljatu zhahree ilaika raghbatan wa rahbatan ilaika laa malja-a wa laa manjaa minka illaa ilaika aamantu bi-kitaabikal-lazhee anzalta wa nabiy-yikal-lazhee arsalta» aur Rasool Allah salla Allahu alaihi wasallam ne farmaya ke jis shakhs ne yeh dua parhi aur phir is raat agar is ki wafat ho gayi to is ki wafat fitrat par ho gi. Quran Majeed mein jo «starhaboohum» ka lafz aaya hai yeh bhi «rahbah» se nikala hai ( «rahbah» ke maani dar ke hain) «malakoot» ka maani mulk yani sultanat jaise kehte hain ke «rahboot» , «rahmut» se behtar hai yani darana raham karne se behtar hai.

Hum se Musaddad ne bayan kiya , unhon ne kaha hum se Abu al-Ahwas ne bayan kiya , unhon ne kaha hum se Abu Ishaq Hamdani ne bayan kiya , in se Bara bin Azib razi Allahu anhune bayan kiya ke Rasool Allah salla Allahu alaihi wasallam ne farmaya ”Ae falan! jabtum apne bistar par jao to yeh dua karo «allaahumma aslamtu nafseee ilaika , wa waj-jahtu waj-heee ilaika wa faw-wadhtu amreee ilaika , wa al-ja'tu zhahreee ilaika , raghbatan-wa rahbatan ilaika , laa mal-ja-a wa laa man-ja minkal-laaa ilaika , aamantu bi-kitaabikal-lazheee anzhahl-ta , wa bi-nabiy-yikal-lazheee arsalta» . ”Ae Allah! main ne apni jaan tere supard kar di aur apna rukh teri taraf moar diya aur apna muamla tere supard kar diya aur teri panah li , teri taraf raghbat ki wajah se aur tujh se dar kar . Tere siwa koi panah aur najat ki jagah nahi , main teri kitab par iman laya jo tu ne nazil ki aur tere Nabi par iman laya jo tu ne bheije . Pas agar tum aaj raat mar gaye to fitrat par maro ge aur subah ko zinda uthe to sawab mile ga .“