Hum se Abdullah bin Yazid Muqri ne bayan kiya , unhon ne kaha ke hum se Kahmas bin Hasan ne bayan kiya , unhon ne Abdullah bin Buraida se , unhon ne Abdullah bin Mughaffal raziyallahu anhu se ke Nabi Karim salla Allahu alaihi wa sallam ne farmaya ke har do azanon azan wa takbeer ke beech mein namaz hai . Har do azanon ke darmiyan namaz hai . Phir teesri martaba aap salla Allahu alaihi wa sallam ne farmaya ke agar koi parhna chahe .

Mujh se Ishaq bin Rahwayh ne bayan kiya , unhon ne kaha humein Abu Usama Hammad bin Usama ne khabar di , kaha hum se Abdullah bin Umar ne bayan kiya , unhon ne Qasim bin Muhammad se aur unhon ne Aisha Siddiqa raziyallahu anha se bayan kiya aur Nafi ne Ibn Umar se yeh hadees bayan ki ke Rasool Allah salla Allahu alaihi wa sallam ne farmaya Bilal raat rahe mein azan dete hain . Abdullah Ibn Umm Maktum ki azan tak tum sehri kha pi sakte ho .

Hum se Ishaq bin Shaheen Wasti ne bayan kiya , kaha ke hum se Khalid bin Abdullah Tahan ne Saad bin Iyas Jariri se bayan kiya , unhon ne Abdullah bin Buraida se , unhon ne Abdullah bin Mughaffal Muzani se ke Rasool Allah salla Allahu alaihi wa sallam ne teen martaba farmaya ke har do azanon azan wa iqamat ke darmiyan ek namaz ka fasl doosri namaz se hona chahiye teesri martaba farmaya ke jo shakhs aisa karna chahe .