Hum se Yahya bin Bukayr ne bayan kiya, unhon ne kaha hum se Layth bin Saad ne bayan kiya, in se Yunus ne bayan kiya, in se Ibn Shihab ne bayan kiya, unhein Abu Salamah ne khabar di, unhon ne kaha ke Abu Hurairah razi Allahu anhu ne bayan kiya ke Rasool Allah salla Allahu alaihi wasallam ne farmaya ”Allah Ta'ala farmata hai ke insan zamana ko gaali deta hai haalan ke main hi zamana hoon, mere hi hath mein raat aur din hain.“

Hum se Humaydi ne byaan kiya , kaha hum se Sufyan ne byaan kiya , un se Zuhri ne byaan kiya , un se Saeed bin Musayyab ne aur un se Abu Hurairah razi Allahu anhu ne byaan kiya ke Rasool Allah salla Allahu alaihi wasallam ne farmaya ke Allah Ta'ala farmata hai ke Ibn e Adam mujhe takleef pahunchata hai woh zamana ko gaali deta hai haalan ke main hi zamana hoon , mere hi hath mein sab kuch hai . Main raat aur din ko adalta badalta rehta hoon .

Hum se Humaydi ne bayan kiya , kaha hum se Sufyan ne bayan kiya , kaha hamase Zuhri ne , in se Saeed bin al-Musayyab ne aur in se Abu Hurairah razi Allahu anhune bayan kiya ke Nabi kareem salla Allahu alaihi wasallam ne farmaya ”Allah Ta'ala farmata hai ke ibn e Adam mujhe takleef pahunchata hai , zamana ko bra bhala kehta hai , haalan-ke main hi zamana ka paida karne wala hoon , meere hi hath mein tamam kaam hain , main jis tarah chahta ho raat aur din ko phairta rehta hoon .“