Hum se Muhammad bin Bashar ne bayan kiya , unhon ne kaha hum se Abd-ur-Rahman bin Mahdi ne bayan kiya , in se Sufyan ne bayan kiya , in se Abd-ul-Malik ne , unhon ne kaha hamase Abu Salamah ne aur in se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ki shuara ke kalam mein se sacha kalma Labeed ka misra hai jo yeh hai ke Allah ke siwa jo kuch hai sab madoom o fana hone wala hai . Umayyah bin Abi al-Salt sha-ir to qareeb thu ke Musalman ho jaye .

Hum se Abu Nuaim ne bayan kiya, kaha hum se Sufyan ne bayan kiya, un se Abdul Malik ne, un se Abu Salama ne, un se Abu Hurairah Radi Allahu Anhu ne ke Nabi Kareem Sallallahu Alaihi Wasallam ne farmaya " Sab se sacchi baat jo koi shayar keh sakta tha wo Labeed shayar ne kahi ”Haan Allah ke siwa har cheez batil hai.“ Aur Umayyah Bin Abi-as-Salt (jahiliyat ka ek shayar) musalman hone ke qareeb tha
.

Mujh se Muhammad bin Musanna ne bayan kiya , unhon ne kaha hum se Ghundar ne bayan kiya , in se Shubah ne bayan kiya , in se Abd-ul-Malik bin Umair ne bayan kiya , in se Abu Salamah ne bayan kiya aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”sab se sacha shair jise sha-ir ne kaha hai yeh hai ”haan Allah ke siwa tamam cheezin be-buniyaad hain .“