Hum se Muhammad bin Yusuf Faryabi ne bayan kiya , kaha hum ko Sufyan Sawri ne khabar di , unhein Aamash ne , unhein Abu Wail ne aur in se Ibn Masood razi Allahu anhu ne bayan kiya ke Rasool Allah salla Allahu alaihi wasallam ne kuch maal taqseem kiya to Ansar mein se ek shakhs ne kaha ke Allah ki qasam! Muhammad salla Allahu alaihi wasallam ko is taqseem se Allah ki raza maqsud na thi . Main ne Nabi Karim salla Allahu alaihi wasallam ki khidmat mein hazir ho kar is shakhs ki yeh baat Aap ko sunayi to Nabi Karim salla Allahu alaihi wasallam ke chehre ka rang badal gaya aur Aap salla Allahu alaihi wasallam ne farmaya ke Allah Musa alaihissalam par raham kare , unhein is se bhi zyada eeza di gayi , lekin unhon ne sabr kiya .

Hum se عثمان Bin Abi Shaiba ne bayan kiya, kaha hum se Jareer ne bayan kiya, un se Mansoor ne, un se Abu Wail ne ke Abdullah Bin Masood (Radi Allahu Anhu) ne bayan kiya ke Hunain ki ladai ke baad Nabi Kareem (Sallallahu Alaihi Wasallam) ne (ghaneemat ki) taqseem mein baaz logon ko zyada diya. Jaise Aqra Bin Habis (Radi Allahu Anhu) ko so ont diye, itne hi ont Uyaina Bin Hisn (Radi Allahu Anhu) ko diye aur kai Arab ke ashraf logon ko isi tarah taqseem mein zyada diya. Is par ek shakhs (Muattib Bin Qushair munafiq) ne kaha, ke Allah ki qasam! Is taqseem mein na to adl ko malhooz rakha gaya hai aur na Allah ki khushnoodi ka khayal hua. Mein ne kaha ke wallah! Is ki khabar mein Rasul Allah (Sallallahu Alaihi Wasallam) ko zaroor doon ga. Chunanche mein Aap ki khidmat mein hazir hua, aur aap ko is ki khabar di. Nabi Kareem (Sallallahu Alaihi Wasallam) ne sun kar farmaya "Agar Allah aur us ka Rasul bhi adl na kare to phir kaun adl karega. Allah Ta'ala Musa Alaihis Salam par raham farmaye ke un ko logon ke hath is se bhi zyada takleef pahunchi lekin unhon ne sabr kiya."
.

Hum se Qubaysah ne byaan kiya , kaha hum se Sufyan Sawri ne byaan kiya , un se Aamash ne , un se Abu Wail ne aur un se Abdullah bin Masood razi Allahu anhu ne ke jab Rasool Allah salla Allahu alaihi wasallam Hunayn ke maal e ghanimat ki taqseem kar rahe thay to Ansar ke ek shakhs ne (jo munafiq tha) kaha ke is taqseem mein Allah ki khushnoodi ka koi khayal nahi rakkha gaya . Main ne Rasool Allah salla Allahu alaihi wasallam ki khidmat mein hazir ho kar Aap salla Allahu alaihi wasallam ko is bad-go ki ittila di to Aap salla Allahu alaihi wasallam ke chehra mubarak ka rang badal gaya phir Aap salla Allahu alaihi wasallam ne farmaya ke Allah Ta'ala Musa alaihissalam par raham farmaye , unhein is se bhi zyada dukh pahunchaya gaya pas unhon ne sabr kiya .

Hum se Qutaybah ne byaan kiya , kaha hum se Jareer ne byaan kiya , un se Mansoor ne , un se Abu Wail ne aur un se Abdullah bin Masood razi Allahu anhu ne ke Ghazwa Hunayn ke mauqa par Rasool Allah salla Allahu alaihi wasallam ne chand logon ko bahut bahut janwar diye . Chunanche Aqra bin Habis ko jin ka dil behlana manzoor tha , sau oont diye . Uyaynah bin Hisn Fazari ko bhi itne hi diye aur isi tarah doosre ashraf e Arab ko diya . Is par ek shakhs ne kaha ke is taqseem mein Allah ki raza ka koi khayal nahi kiya gaya . (Ibn Masood razi Allahu anhu ne byaan kiya ke) Main ne kaha ke main is ki khabar Rasool Allah salla Allahu alaihi wasallam ko karoon ga . Jab Nabi Karim salla Allahu alaihi wasallam ne yeh kalma suna to farmaya ke Allah Musa alaihissalam par raham farmaye ke unhein is se bhi zyada dukh diya gaya tha lekin unhon ne sabr kiya .

Hum se Abdan ne bayan kiya , in se Abu Hamza Muhammad bin Maymoon ne , in se Aamash ne , in se Shaqeeq ne aur in se Abdullah bin Masood razi Allahu anhu ne ke Nabi Karim salla Allahu alaihi wasallam ne ek martaba kuch maal taqseem farmaya is par Ansar ke ek shakhs ne kaha ke yeh aaisi taqseem hai jis se Allah ki khushnoodi maqsud na thi main ne kaha ke haan! Allah ki qasam main Nabi Karim salla Allahu alaihi wasallam ki khidmat mein jaoon ga . Chunanche main gaya , Nabi Karim salla Allahu alaihi wasallam is waqt majlis mein baithe huay thay main ne Nabi Karim salla Allahu alaihi wasallam ke kaan mein chupke se yeh baat kahi to Aap ghussa ho gaye aur Aap ka chehra surkh ho gaya phir Aap ne farmaya ke Musa alaihissalam par Allah ki rahmat ho unhein is se bhi zyada takleef pahunchayi gayi lekin unhon ne sabr kiya (pas main bhi sabr karoon ga) .