Hum se Abu al-Waleed aur Abdullah bin Rajaa ne bayan kiya, in donon ne kaha ke hum se Shubah ne bayan kiya, in se Hakam bin Utaybah ne, in se Ibrahim Nakhai ne, in se Aswad ne aur in se Aisha razi Allahu anha ne bayan kiya jaise main ab bhi Nabi Karim salla Allahu alaihi wasallam ki maang mein ihram ki halat mein khushboo ki chamak dekh rahi hoon. Abdullah bin Rajaa ne (apni riwayat mein) «mafriq-in-nabiy-yi salla Allahu alaihi wasallam» (wahid ke seeghe ke saath) bayan kiya yani maangon ki jagah sirf lafz maang istemal kiya.

Hum se Muhammed bin Bashshaar ne Hadees bayan ki, kaha hum se Ibn-e-Abi Adi aur Yahya bin Sa’eed ne Sho’bah se, woh Ibrahim bin Muhammed bin Muntashir se, woh apne waalid se, unhon ne kaha ke main ne Aisha Radhiallahu Anha ke saamne is masle ka zikr kiya. To aap ne farmaaya, Allah Abu Abdur Rahman par rahem farmaaye main ne to Rasoolullah Sallallahu Alaihi Wasallam ko khusbhoo lagaayi phir Aap Sallallahu Alaihi Wasallam apni tamaam azwaaj (-e-mutahharaat) ke paas tashreef le gaye aur subah ko Ehraam is haalat mein baandha ke khusbhoo se badan mahak raha tha.

Hum se Abu No’maan ne bayan kiya, kaha hum se Abu ’Awaanah ne Ibrahim bin Muhammed bin Muntashir se, woh apne waalid se, kaha main ne Aisha Radhiallahu Anha se poocha aur un se Ibn-e-Umar Radhiallahu Anhuma ke is qaul ka zikr kiya ke“Main ise gawaara nahi kar sakta ke main Ehraam baandhun aur khusbhoo mere jism se mahak rahi ho.”To Aisha Radhiallahu Anha ne farmaaya, main ne khud Nabi-e-Kareem Sallallahu Alaihi Wasallam ko khusbhoo lagaayi. Phir Aap apni tamaam azwaaj ke paas gaye aur us ke baad Ehraam baandha.

Hum se Adam bin Abi Iyaas ne bayan kiya, kaha hum se Sho’bah ne Hadees bayan ki, kaha hum se Hakam ne Ibrahim ke waaste se, woh Aswad se, woh Aisha Radhiallahu Anha se, aap ne farmaaya goya ke main Nabi-e-Kareem Sallallahu Alaihi Wasallam ki maang mein khusbhoo ki chamak dekh rahi hun is haal mein ke Aap Sallallahu Alaihi Wasallam Ehraam baandhe huwe hain.

Mujh se to Aswad ne byaan kiya , aur un se Umm-ul-Moomineen Aisha Siddiqa razi Allahu anha ne byaan kiya ke Rasool Allah salla Allahu alaihi wasallam muhrim hain aur goya main Aap salla Allahu alaihi wasallam ki maang mein khushbu ki chamak dekh rahi hoon .

Hum se Abdullah bin Yusuf ne byaan kiya , kaha ke humein Imam Malik ne khabar di , unhein Abdul Rahman bin Qasim ne , unhein in ke walid ne aur un se Nabi Karim salla Allahu alaihi wasallam ki zauja-e-mutahharah Aisha razi Allahu anha ne farmaya ke jab Rasool Allah salla Allahu alaihi wasallam ahram baandhte to main Aap salla Allahu alaihi wasallam ke ahram ke liye aur isi tarah Baitullah ke tawaf-e-ziyarat se pehle halal hone ke liye , khushbu lagaya karti thin .

Hum se Ali Bin Abdullah ne bayan kiya, kaha hum se Sufyan Bin Uyainah ne bayan kiya, un se Abdul Rahman Bin Qasim ne bayan kiya ke mein ne Aisha (Radi Allahu Anha) se suna, wo farmati theen ke mein ne khud apne hathon se Rasul Allah (Sallallahu Alaihi Wasallam) ke, jab aap ne ihram bandhna chaha, khushbu lagayi thi is tarah kholte waqt bhi jab aap ne tawaf-e-ziyarat se pehle ihram kholna chaha tha (Aap ne hath phaila kar khushbu lagane ki kaifiyat batayi)
.

Mujh se Ahmad bin Muhammad Marwazi ne bayan kiya, kaha hum ko Abdullah bin Mubarak ne khabar di, kaha hum ko Yahya bin Saeed Ansari ne khabar di, unhein Abd-ur-Rahman bin Qasim ne khabar di, unhein in ke walid Qasim bin Muhammad ne aur in se Aisha razi Allahu anha ne bayan kiya ke main ne Nabi Karim salla Allahu alaihi wasallam ko Aap ke ihram mein rehne ke liye apne hath se khushboo lagayi main ne isi tarah (daswin tareekh ko) Mina mein tawaf e ziyarat karne se pehle apne hath se Aap ko khushboo lagayi.

Hum se Ishaq bin Nadr ne bayan kiya, kaha hum se Yahya bin Adam ne bayan kiya, kaha hum se Israeel ne bayan kiya, in se Abu Ishaq ne, unhein Abd-ur-Rahman bin Aswad ne, unhein in ke walid ne aur in se Aisha razi Allahu anha ne bayan kiya ke main Nabi Karim salla Allahu alaihi wasallam ko sab se umdah khushboo lagaya karti thi, yahan tak ke khushboo ki chamak main Aap ke sar aur Aap ki darhi mein dekhti thi.

Hum se Musa bin Ismail ne bayan kiya, kaha hum se Wuhaib ne bayan kiya, in se Hisham bin Urwah ne bayan kiya, in se Usman bin Urwah ne, in se un ke walid ne aur in se Aisha razi Allahu anha ne bayan kiya ke main ne Rasool Allah salla Allahu alaihi wasallam ko Aap ke ihram ke waqt umdah se umdah khushboo jo mil sakti ku, woh lagati.

Hum se Usman bin Hushaim ne bayan kiya ya Muhammad bin Yahya Dili ne, unhein Usman bin Hushaim ne (Imam Bukhari rahmahullah ko shak hai) in se Ibn Jurayj ne unhon ne kaha mujhko Amr bin Abdullah bin Urwah bin Shehar ne khabar di, unhon ne Urwah aur Qasim donon se suna, woh donon Umm al-Momineen Aisha razi Allahu anha se naqal karte thay ke unhon ne bayan kiya ke main ne Rasool Allah salla Allahu alaihi wasallam ko Hajjat-ul-Wada ke mauqa par ihram kholne aur ihram baandhne ke waqt apne hath se zhareera (ek qism ki murakkab) khushboo lagayi thi.