Mujh se Ismail bin Ibn Abi Oways ne bayan kiya, kaha ke mujh se Imam Malik ne bayan kiya, in se Nafi ne, in se Abdullah bin Umar razi Allahu anhuma ne aur in se Nabi Karim salla Allahu alaihi wasallam ki zauja mutahhara Hafsa razi Allahu anha ne bayan kiya ke main ne arz kiya: ya Rasool Allah! kiya baat hai ke log Umrah kar ke ihram khol chuke hain haalan ke Aap ne ihram nahi khola. Nabi Karim salla Allahu alaihi wasallam ne farmaya kyunke main ne apne sar ke baal jama liye hain aur apni hadyi (qurbani ke janwar) ke gale mein qilada daal diya hai. Is liye jab tak meri qurbani ka nahar na ho le main ihram nahi khol sakta.

Hum se Ismail bin Abi Uwais ne byaan kiya , kaha ke mujh se Imam Malik rahmatullah alaihi ne byaan kiya (doosri sanad) aur Imam Bukhari rahmahu Allah ne kaha ke hum se Abdullah bin Yusuf ne byaan kiya , kaha ke humein Imam Malik rahmatullah alaihi ne khabar di , unhein Nafi ne aur unhein Ibn Umar razi Allahu anhuma ne ke Nabi Karim salla Allahu alaihi wasallam ki zauja-e-mutahharah Hafsah razi Allahu anha ne byaan kiya ke unhon ne Rasool Allah salla Allahu alaihi wasallam se daryaft kiya Ya Rasool Allah! Kya baat hai aur log to Umrah kar ke halal ho gaye lekin Aap halal nahi hue ? Nabi Karim salla Allahu alaihi wasallam ne farmaya ke maine apne sar ki talbeed (baalon ko jamane ke liye ek lais-dar cheez ka istemal karna) ki hai aur apne saath hadi (qurbani ka jaanwar) laya hoon is liye main qurbani karne se pehle ahram nahi khool sakta .

Hum se Musaddad ne bayan kiya, kaha hum se Yahya ne bayan kiya, un se Ubaidullah ne ke mujhe Nafi ne khabar di unhein Ibn Umar (Radi Allahu Anhuma) ne ke Hafsa (Radi Allahu Anha) ne bayan kiya, kaha mein ne kaha: Ya Rasul Allah! Aur log to halal ho gaye lekin aap halal nahi hue, is ki kya wajah hai? Aap (Sallallahu Alaihi Wasallam) ne farmaya ke mein ne apne sar ke balon ko jama liya hai aur apni hadyi ko qiladah pehna diya hai, is liye jab tak Haj se bhi halal na ho jaoon mein (darmiyan mein) halal nahi ho sakta, (gond laga kar sar ke balon ka jama lena is ko talbeed kehte hain)
.

Hum se Abdullah Bin Yusuf ne bayan kiya, kaha ke hum ko Imam Malik ne khabar di, unhein Nafi ne, unhein Ibn Umar (Radi Allahu Anhuma) ne ke Hafsa (Radi Allahu Anha) ne arz ki Ya Rasul Allah (Sallallahu Alaihi Wasallam) kya wajah hui ke aur log to Umrah kar ke halal ho gaye aur Aap (Sallallahu Alaihi Wasallam) ne Umrah kar liya aur halal na hue? Rasul Allah (Sallallahu Alaihi Wasallam) ne farmaya ke mein ne apne sar ke baal jama liye thay aur qurbani ke gale mein qiladah pehna kar mein (apne sath) laya hoon, is liye jab tak mein nahr na kar loon ga mein ihram nahi kholoon ga
.

Mujh se Ibrahim bin al-Munzhir ne byaan kiya , kaha hum ko Anas bin Ayadh ne khabar di , kaha hum se Musa bin Uqbah ne byaan kiya , un se Nafi ne unhein Abdullah bin Umar razi Allahu anhuma ne khabar di ke Nabi Karim salla Allahu alaihi wasallam ki zauja mutahhara Hafsa razi Allahu anha ne unhein khabar di ke Nabi Karim salla Allahu alaihi wasallam ne Hajjat al-Wida ke mauqa par apni biwiyon ko hukm diya ke (umrah karne ke baad) halal ho jayein (yani ihram khol dein) Hafsa razi Allahu anha ne arz kiya (ya Rasool Allah!) phir Aap kyun nahi halal hote ? Aap salla Allahu alaihi wasallam ne farmaya ke main ne to apne baalon ko jama liya hai aur apni qurbani ko haar pehna diya hai , is liye main jab tak qurbani na kar loon is waqt tak ihram nahi khol sakta .