Hum se Ahmad bin Abi Rajaa ne bayan kiya, unhon ne kaha hum se Ishaq bin Sulayman ne bayan kiya, unhon ne kaha ke main ne Hanzalah se suna, unhon ne Nafi se bayan kiya aur unhon ne Abdullah bin Umar razi Allahu anhuma se riwayat kiya ke Rasool Allah salla Allahu alaihi wasallam ne farmaya ”mo-e zer e naaf moondna, nakhun tarshwana aur moonchh kutarwana paidaishi sunnatein hain.“

Hum se Makki bin Ibrahim ne bayan kiya, in se Hanzalah bin Abi Hani ne, in se Nafi ne bayan kiya, (Imam Bukhari rahmahullah ne) kaha ke is hadees ko hamare as-hab ne Makki se riwayat kiya, unhon ne bahawala Ibn Umar razi Allahu anhuma ke Nabi Karim salla Allahu alaihi wasallam ne farmaya ”moonchh ke baal kutarwana paidaishi sunnat hai.“

Hum se Ahmad bin Yunus ne bayan kiya, unhon ne kaha hum se Ibrahim bin Saad ne bayan kiya, unhon ne kaha hum se Ibn Shihab ne bayan kiya, in se Saeed bin al-Musayyab ne aur in se Abu Hurairah razi Allahu anhu ne ke main ne Nabi Karim salla Allahu alaihi wasallam se suna, Aap salla Allahu alaihi wasallam ne farmaya ”paanch cheezin khatna karana, zer e naaf moondna, moonchh kutarana, nakhun tarshwana aur baghal ke baal nochna paidaishi sunnatein hain.“

Hum se Yahya bin Qaza-a ne bayan kiya , unhon ne kaha hum se Ibrahim bin Saad ne bayan kiya , in se Ibn Shihab ne , in se Saeed bin al-Musayyab ne aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”paanch cheezin fitrat se hain , khatna karna , zer e naaf ke baal banana , baghal ke baal saaf karna , moonchh chhoti karana aur nakhun kaatna .“