Hum se Ali bin Abdullah Madini ne bayan kiya, kaha hum se Sufyan bin Uyaynah ne bayan kiya ke Zuhri ne hamase bayan kiya (Sufyan ne kaha) hamase Zuhri ne Saeed bin al-Musayyab se bayan kiya aur in se Abu Hurairah razi Allahu anhu ne (Nabi Karim salla Allahu alaihi wasallam se) riwayat kiya ke paanch cheezin (farmaya ke) paanch cheezin khatna karana, mo-e zer e naaf moondna, baghal ke baal nochna, nakhun tarshwana aur moonchh kam karana paidaishi sunnaton mein se hain.

Hum se Ahmad bin Yunus ne bayan kiya, unhon ne kaha hum se Ibrahim bin Saad ne bayan kiya, unhon ne kaha hum se Ibn Shihab ne bayan kiya, in se Saeed bin al-Musayyab ne aur in se Abu Hurairah razi Allahu anhu ne ke main ne Nabi Karim salla Allahu alaihi wasallam se suna, Aap salla Allahu alaihi wasallam ne farmaya ”paanch cheezin khatna karana, zer e naaf moondna, moonchh kutarana, nakhun tarshwana aur baghal ke baal nochna paidaishi sunnatein hain.“

Hum se Yahya bin Qaza-a ne bayan kiya , unhon ne kaha hum se Ibrahim bin Saad ne bayan kiya , in se Ibn Shihab ne , in se Saeed bin al-Musayyab ne aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”paanch cheezin fitrat se hain , khatna karna , zer e naaf ke baal banana , baghal ke baal saaf karna , moonchh chhoti karana aur nakhun kaatna .“